കൊല്ലം: മുഖ്യമന്ത്രി പിണറായി വിജയനും കുടുംബത്തിനുമെതിരായ കറന്സി കടത്ത് ആരോപണങ്ങളില് കേന്ദ്ര ഏജന്സികള് എന്ത് നിലപാട് സ്വീകരിക്കുമെന്നാണ് ഉറ്റുനോക്കുന്നതെന്ന് പ്രതിപക്ഷ നേതാവ് വിഡി സതീശന്. മുഖ്യമന്ത്രിയുടേയും ഓഫീസിന്റെയും എതിരെ ഗുരുതരമായ ആരോപണങ്ങളാണ് സ്വപ്ന സുരേഷിന്റെ ഭാഗത്ത് നിന്നും ഉണ്ടായത്. ഇക്കാര്യത്തില് കേസെടുത്ത് അന്വേഷണം നടത്തണം. ഉമ്മന് ചാണ്ടിക്കെതിരെ ആരോപണം വന്നപ്പോള് ആരോപണവിധേയയുടെ കയ്യില് നിന്നും പരാതി എഴുതി വാങ്ങിയ ആളാണ് മുഖ്യമന്ത്രി പിണറായി. ഉമ്മന് ചാണ്ടിക്ക് ഒരു നീതി പിണറായിക്ക് മറ്റൊരു നീതിയുമെന്നത് പറ്റുമോയെന്നും സതീശന് ചോദിച്ചു. സ്വപ്നയുടെ വെളിപ്പെടുത്തലില് നിയമനടപടി ആലോചിക്കുന്നുണ്ട്. സമരവുമായി മുന്നോട്ട് പോകും. കേന്ദ്ര ഏജന്സികള് എന്ത് തീരുമാനമെടുക്കുമെന്നാണ് നോക്കുന്നതെന്നും സതീശന് പറഞ്ഞു.
സ്വപ്നയുടെ വെളിപ്പെടുത്തലില് നിയമനടപടി ആലോചിക്കുന്നു; സമരവുമായി മുന്നോട്ടുപോകും: വി.ഡി.സതീശന്
പുതിയ വാർത്തകൾ
Discussion about this post