തൃശൂര്: ഗുരുവായൂര് ക്ഷേത്രത്തില് അയ്യപ്പന്, ഗണപതി, ഭഗവതി എന്നി ഉപദേവന്മാര്ക്ക് ദ്രവ്യകലശാഭിഷേകം ഇന്നുതുടങ്ങും. ക്ഷേത്രം തന്ത്രി ചേന്നാസ് ദിനേശന് നന്പൂതിരിപ്പാട് ചടങ്ങുകള്ക്ക് മുഖ്യ കാര്മികത്വം വഹിക്കും. 108 കലശാഭിഷേകമാണ് നടക്കുന്നത്. ഇന്നു വൈകിട്ട് ദീപാരാധനക്കുശേഷം ആചാര്യവരണം, പ്രാസാദ ശുദ്ധി, തെക്കേവാതില്മാടത്തില് സ്ഥലശുദ്ധി, കലശത്തിന് പത്മമിടല് എന്നിവ നടക്കും.
നാളെ രാവിലെ അയ്യപ്പന് ബിംബശുദ്ധി പരികലശപൂജ, ബ്രഹ്മകലശ പൂജ എന്നിവനടക്കും. 22ന് രാവിലെ അയ്യപ്പന് കലശാഭിഷേകം നടക്കും. 23 ന് വൈകിട്ട് ഗണപതിക്ക് കലശച്ചടങ്ങുകള് തുടങ്ങും. പ്രാസാദ ശുദ്ധി, അധിവാസ ഹോമം, അധിവാസ പൂജ, ബിംബശുദ്ധി എന്നിവ നടക്കും. 24ന് രാവിലെ ഗണപതിക്ക് കലശാഭിഷേകം ചെയ്യും.
24ന് വൈകിട്ട്് ഭഗവതിക്ക് കലശചടങ്ങുകള് തുടങ്ങും. പ്രാസാധ ശുദ്ധി, വാസ്തു കലശപൂജ, വാസ്തുബലി, വാസ്തു കലശാഭിഷേകം, വാസ്തുപൂജ എന്നിവ നടക്കും 26ന് രാവിലെ പാണിക്ക് ശേഷം ഭഗവതിക്ക് 108 കലശം അഭിഷേകം ചെയ്യും.
Discussion about this post