ഫ്രഞ്ച് ഗയാന: ഇന്ത്യയുടെ വാര്ത്താ വിനിമയ ഉപഗ്രഹം ജിസാറ്റ് 24 വിക്ഷേപണം വിജയകരം. ഫ്രഞ്ച് ഗയാനയിലെ കുറൗവിലെ ബഹിരാകാശ കേന്ദ്രത്തില് നിന്ന് ഏരിയന് 5 റോക്കറ്റിലാണ് ജിസാറ്റ് 24നെ ഭ്രമണപഥത്തില് എത്തിച്ചത്. യൂറോപ്യന് ബഹിരാകാശ ഏജന്സിയായ ഏരിയന്സ്പേസാണ് ഉപഗ്രഹത്തെ വിക്ഷേപിച്ചത്.
ഏരിയന്സ്പേസ് ഭ്രമണപഥത്തില് എത്തിക്കുന്ന ഇരുപത്തിയഞ്ചാമത്തെ ഇന്ത്യന് ഉപഗ്രഹമാണ് ജിസാറ്റ്-24. ഇന്ത്യന് സ്പേസ് റിസര്ച്ച് ഓര്ഗനൈസേഷനാണ് (ഇസ്രോ) ജിസാറ്റ്-24ന് പിന്നില്. ഡയറക്ട്-ടു-ഹോം (ഡിടിഎച്ച്) ആപ്ലിക്കേഷന് ആവശ്യങ്ങള്ക്കായി പാന് ഇന്ത്യ കവറേജുള്ള24-കു ബാന്ഡ് കമ്മ്യൂണിക്കേഷന് സാറ്റലൈറ്റാണിത്. 4,180 കിലോഗ്രാമാണ് ഇതിന്റെ ഭാരം.
കേന്ദ്ര സര്ക്കാരിന്റെ ഉടമസ്ഥതയിലുള്ള എന്റര്പ്രൈസ് ന്യൂ സ്പേസ് ഇന്ത്യ ലിമിറ്റഡ് (എന്എസ്ഐഎല്) ടാറ്റ പ്ലേയ്ക്ക് ഈ ഉപഗ്രഹത്തിന്റെ മുഴുവന് ശേഷിയും പാട്ടത്തിന് നല്കിയിട്ടുണ്ട്. ബഹിരാകാശ മേഖലയിലെ വാണിജ്യ സാധ്യതകള് പ്രയോജനപ്പെടുത്താന് കേന്ദ്ര സര്ക്കാര് രൂപീകരിച്ചതാണ് എന്എസ്ഐഎല്.
Discussion about this post