ശ്രീഹരിക്കോട്ട: ബഹിരാകാശ ഗവേഷണ രംഗത്ത് പുത്തന്‍ ചുവടുവയ്പ്പുമായി ഇന്ത്യ. സ്വകാര്യമേഖലയില്‍ വികസിപ്പിച്ച ഇന്ത്യയുടെ ആദ്യത്തെ റോക്കറ്റായ വിക്രം എസ് വിക്ഷേപണം വിജയകരം. വെള്ളിയാഴ്ച രാവിലെ 11.30ന് സതീഷ് ധവാന്‍ സ്‌പേസ് സെന്ററില്‍നിന്ന് വിജയകരമായി വിക്ഷേപിച്ചു.
ഹൈദരാബാദ് ആസ്ഥാനായ സ്‌കൈറൂട്ട് എയ്‌റോസ്‌പേസ് എന്ന സ്റ്റാര്‍ട്ടപ്പാണ് റോക്കറ്റ് വികസിപ്പിച്ചത്. ‘പ്രാരംഭ്’ എന്നാണു ദൗത്യത്തിനു കന്പനി നല്കിയിരിക്കുന്ന പേര്. ഇന്ത്യ, യുഎസ്, സിംഗപ്പൂര്‍, ഇന്തോനേഷ്യ എന്നിവിടങ്ങളില്‍ നിന്നുള്ള വിദ്യാര്‍ഥികള്‍ വികസിപ്പിച്ച 2.5 കിലോഗ്രാം ഭാരം വരുന്ന ഫണ്‍-സാറ്റ് ഉള്‍പ്പെടെ മൂന്നു ഉപഗ്രഹങ്ങളാണ് വിക്രം-എസ് വഴി വിക്ഷേപിച്ചത്.
ഈ ദൗത്യം ഇന്ത്യന്‍ ബഹിരാകാശ രംഗത്തെ പുതിയ അദ്ധ്യായം കുറിച്ചിരിക്കയാണ്. ലോകരാജ്യങ്ങള്‍ ഉള്‍പ്പെടെ ഇന്ത്യന്‍ നേട്ടത്തെ ഉറ്റുനോക്കുകയാണ്. നാല് വര്‍ഷം മുമ്പാണ് സ്‌കൈറൂട്ട് എന്ന സ്റ്റാര്‍ട്ടപ്പിന് ഹൈദരാബാദില്‍ തുടക്കമായത്. ദൗത്യം വിജയിച്ചതോടെ വരും വര്‍ഷങ്ങളില്‍ കൂടുതല്‍ കരുത്തനായ വിക്ഷേപണവാഹനങ്ങള്‍ വിക്രത്തിന്റേതായി എത്തും.
Discussion about this post