തിരുവനന്തപുരം: സംസ്ഥാനത്തെ ഉന്നതവിദ്യാഭ്യാസ വകുപ്പിന് കീഴിലെ എല്ലാ സര്വകലാശാലകളിലും ആര്ത്തവാവധി നടപ്പാക്കുന്നത് പരിഗണിക്കുമെന്ന് ഉന്നതവിദ്യാഭ്യാസ-സാമൂഹ്യനീതി മന്ത്രി ആര്. ബിന്ദു. കൊച്ചി ശാസ്ത്ര സാങ്കേതിക സര്വകലാശാലയില് നടപ്പാക്കിയ ആര്ത്തവാവധി മാതൃകയാണ് സംസ്ഥാന വ്യാപകമാക്കാന് പരിഗണിക്കുന്നത്.
ആര്ത്തവകാലത്ത് വിദ്യാര്ഥിനികള് അനുഭവിക്കുന്ന മാനസിക – ശാരീരിക ബുദ്ധിമുട്ടുകള് കണക്കിലെടുത്താണ് തീരുമാനം വ്യാപിപ്പിക്കാന് ആലോചിക്കുന്നത്. വിദ്യാര്ഥികള്ക്ക് ഓരോ സെമസ്റ്ററിലും പരീക്ഷയെഴുതാന് 75 ശതമാനം ഹാജരാണ് വേണ്ടത്. എന്നാല് ആര്ത്തവാവധി പരിഗണിച്ച് വിദ്യാര്ഥിനികള്ക്ക് 73 ശതമാനം ഹാജരുണ്ടായാലും പരീക്ഷയെഴുതാം എന്ന ഭേദഗതിയാണ് കൊച്ചി ശാസ്ത്ര സാങ്കേതിക സര്വകലാശാല കൊണ്ടുവന്നത്. ഇത് മറ്റു സര്വകലാശാലകളിലും നടപ്പാക്കുന്നത് വിദ്യാര്ഥിനികള്ക്ക് വലിയ ആശ്വാസമായിരിക്കുമെന്നും മന്ത്രി പറഞ്ഞു.
