തിരുവനന്തപുരം: സാങ്കേതിക തകരാറിനെത്തുടര്ന്ന് വിമാനം തിരിച്ചിറക്കി. തിരുവനന്തപുരത്ത് നിന്ന് മസ്കറ്റിലേയ്ക്ക് പുറപ്പെട്ട എയര് ഇന്ത്യ എക്സ്പ്രസാണ് തിരിച്ചിറക്കിയത്.
രാവിലെ 8.30ന് തിരുവനന്തപുരം വിമാനത്താവളത്തില് നിന്ന് പറന്നുയര്ന്ന 1X 549 വിമാനം സാങ്കേതിക തകരാര് ഉണ്ടായതിനെത്തുടര്ന്ന് 9.17ന് തിരിച്ചിറക്കുകയായിരുന്നു. വിമാനത്തിലുണ്ടായിരുന്ന 105 യാത്രക്കാരും ജീവനക്കാരും സുരക്ഷിതരാണെന്ന് വിമാനക്കമ്പനി അറിയിച്ചു.
തകരാര് പരിഹരിക്കുന്നതിനായുള്ള നടപടികള് വൈകുമെന്നതിനാല് യാത്രക്കാര്ക്ക് മറ്റൊരു വിമാനം ഏര്പ്പെടുത്തുമെന്ന് കമ്പനി വ്യക്തമാക്കി. ഇത് ഉച്ചയ്ക്ക് ഒരു മണിയോടെയാകും പുറപ്പെടുകയെന്നും അധികൃതര് അറിയിച്ചു.
Discussion about this post