തിരുവനന്തപുരം: വൈദ്യുതി നിരക്ക് വര്‍ദ്ധിപ്പിക്കുവാനുള്ള കെഎസ്ഇബിയുടെ നീക്കത്തിന് ഹൈക്കോടതിയുടെ സ്റ്റേ. യൂണിറ്റിന് 25 പൈസ മുതല്‍ 80 പൈസ പൈസ വരെ വര്‍ദ്ധിപ്പിച്ച് കെഎസ്ഇബി ഉത്തരവിറക്കാനിരിക്കെയാണ് ഹൈക്കോടതിയുടെ താല്‍കാലിക സ്റ്റേ ചെയ്തത്.
വ്യവസായ ഉപഭോക്താക്കളുടെ സംഘടനയായ ഹൈടെന്‍ഷന്‍, എക്ട്രാ ഹൈടെന്‍ഷന്‍ ഇലക്ട്രിസിറ്റി കണ്‍സ്യൂമേഴ്സ് അസോസിയേഷനുകളാണ് നിരക്ക് വര്‍ദ്ധിപ്പിക്കല്‍ നീക്കത്തിനെതിരെ ഹൈക്കോടതിയെ സമീപിച്ചത്. ജൂലൈ 10-ന് ജസ്റ്റിസ് സിഎസ് ഡയസ് കേസ് വീണ്ടും പിരഗണിക്കുന്നത് വരെ നിരക്ക് കൂട്ടരുതെന്നാണ് ഉത്തരവ്. നിരക്ക് കൂട്ടുന്നതിനുള്ള ബോര്‍ഡ് അപേക്ഷയില്‍ റഗുലേറ്ററി കമ്മീഷന്‍ തെളിവെടുപ്പ് മെയ് 16ന് പൂര്‍ത്തിയായിരുന്നു. നിലവിലെ താരിഫ് കാലാവധി ജൂണ്‍ 30ന് അവസാനിക്കാനിരിക്കെ ജൂലൈ ഒന്ന് മുതല്‍ വര്‍ദ്ധന നടപ്പിലാക്കുന്നതിനെയാണ് കോടതി ഉത്തരവുണ്ടായത്.
Discussion about this post