ബംഗളുരു: മതപരിവര്‍ത്തന നിരോധന നിയമം റദ്ദാക്കാനുള്ള കര്‍ണാടക സര്‍ക്കാരിന്റെ നീക്കത്തിനെതിരെ വിവിധ കോണുകളില്‍ നിന്നുള്ള ശക്തമായ എതിര്‍പ്പുകള്‍ക്കിടയില്‍, തീരുമാനം പിന്‍വലിച്ചില്ലെങ്കില്‍ സംസ്ഥാനത്തുടനീളം വന്‍ പ്രതിഷേധം സംഘടിപ്പിക്കുമെന്ന് ബിജെപി മുന്നറിയിപ്പ് നല്‍കി. കര്‍ണാടകയെ മിനി പാകിസ്ഥാന്‍ ആക്കാനാണ് കോണ്‍ഗ്രസ് സര്‍ക്കാരിന്റെ ലക്ഷ്യമെന്ന് മുന്‍ മന്ത്രി ആര്‍.അശോക പറഞ്ഞു.
സിദ്ധരാമയ്യയുടെ നേതൃത്വത്തിലുള്ള സര്‍ക്കാര്‍ മതപരിവര്‍ത്തനത്തിന്റെ ബ്രാന്‍ഡ് അംബാസഡറായി മാറിയെന്നും വോട്ട് ബാങ്കിനും പ്രീണന രാഷ്ട്രീയത്തിനും വേണ്ടി ദക്ഷിണേന്ത്യന്‍ സംസ്ഥാനത്തെ ടിപ്പു സുല്‍ത്താന്‍ യുഗത്തിലേക്ക് തിരിച്ചുവിടുകയാണെന്നും മുതിര്‍ന്ന ബിജെപി നേതാവും മുന്‍ മന്ത്രിയുമായ ആര്‍.അശോക ആരോപിച്ചു.
Discussion about this post