ന്യൂഡല്ഹി: കണ്ണൂരില് തെരുവുനായ ആക്രമണത്തില് 11 വയസുകാരന് മരിച്ച സംഭവം നിര്ഭാഗ്യകരമെന്ന് സുപ്രീം കോടതി. ആക്രമണകാരികളായ തെരുവുനായ്ക്കളെ ദയാവധത്തിന് അനുവദിക്കണമെന്ന കണ്ണൂര് ജില്ലാ പഞ്ചായത്തിന്റെ ഹര്ജി പരിഗണിക്കുന്നതിനിടെയാണ് ജസ്റ്റീസുമാരായ സൂര്യകാന്ത്, എം.എം. സുന്ദരേഷ് എന്നിവര് അടങ്ങിയ ബെഞ്ച് പ്രതികരിച്ചത്.
അക്രമകാരികളായ നായ്ക്കളെയും പേപ്പട്ടികളെയും വേദനരഹിതമായ രീതിയില് കൊല്ലുന്നതിന് അനുവദിക്കണമെന്നാവശ്യപ്പെട്ട് കണ്ണൂര് ജില്ലാ പഞ്ചായത്ത് അധ്യക്ഷ പി.പി. ദിവ്യയാണ് സുപ്രീംകോടതിയെ സമീപിച്ചത്. നായ്ക്കള് കുട്ടികളെ ആക്രമിക്കുന്ന ദൃശ്യങ്ങള് ഹര്ജിയോടൊപ്പം കോടതിയില് സമര്പ്പിച്ചിരുന്നു.
വിഷയത്തില് ജൂലൈ 12ന് വിശദമായ വാദം കേള്ക്കാന് കോടതി തീരുമാനിച്ചു. കേസിലെ എല്ലാ എതിര്കക്ഷികളോടും ഏഴിനകം മറുപടി സത്യവാംഗ്മൂലം സമര്പ്പിക്കാന് സുപ്രീം കോടതി നിര്ദേശിച്ചിട്ടുണ്ട്.
Discussion about this post