തിരുവനന്തപുരം: പൊതുവിപണിയിലെ വിലക്കയറ്റം നിയന്ത്രിക്കുന്നതിനും ഗുണനിലവാരം പരിശോധിക്കുന്നതിനും ജില്ലാ കളക്ടര് ജെറോമിക് ജോര്ജിന്റെ നിര്ദേശമനുസരിച്ച് തിരുവനന്തപുരം താലൂക്ക് സപ്ലൈ ഓഫീസറുടെ നേതൃത്വത്തിലുള്ള താലൂക്ക് തല സ്ക്വാഡ് ആനയറ വേള്ഡ് മാര്ക്കറ്റ്, കഴക്കൂട്ടം എന്നിവിടങ്ങളില് പരിശോധന നടത്തി. വില വിവര പട്ടിക പ്രദര്ശിപ്പിക്കാത്തതും വിതരണ കാലാവധി കഴിഞ്ഞ സാധനങ്ങള് സൂക്ഷിച്ചിരുന്നതും പാക്കറ്റുകളില് സാധനങ്ങളുടെ വില, കാലാവധി തുടങ്ങിയ വിവരങ്ങള് രേഖപ്പെടുത്താത്തതുമായ കടകള്ക്കെതിരെ നടപടി സ്വീകരിച്ചു. പരിശോധന സംബന്ധിച്ച റിപ്പോര്ട്ട് ജില്ലാ കളക്ടര്ക്ക് സമര്പ്പിക്കുമെന്നും കര്ശന പരിശോധനകള് തുടരുമെന്നും താലൂക്ക് സപ്ലൈ ഓഫീസര് ജി.ബീന ഭദ്രന് അറിയിച്ചു. ഭക്ഷ്യസുരക്ഷാ ഉദ്യോഗസ്ഥര്, റേഷനിംഗ് ഇന്സ്പെക്ടര്മാര് എന്നിവരുള്പ്പെടുന്നതാണ് സ്ക്വാഡ്.
Discussion about this post