കൊച്ചി: നിപ ജാഗ്രത തുടരുന്ന സാഹചര്യത്തില് ശബരിമല തീര്ഥാടകര്ക്കായി ആവശ്യമെങ്കില് മാര്ഗനിര്ദേശം പുറപ്പെടുവിക്കണമെന്ന് ഹൈക്കോടതി. കന്നിമാസപൂജക്കായി മറ്റന്നാള് നട തുറക്കാനിരിക്കെയാണ് കോടതിയുടെ നിര്ദേശം.
ദേവസ്വം കമ്മീഷണറുമായി കൂടിയാലോചിച്ച് തീരുമാനമെടുക്കാന് ഹൈക്കോടതി ആരോഗ്യ സെക്രട്ടറിക്ക് നിര്ദേശം നല്കി. കോഴിക്കോട് ജില്ലയില് നിയന്ത്രണം ഏര്പ്പെടുത്തിയിട്ടുണ്ടെന്നും സമ്പര്ക്കപ്പട്ടികയില് ഉള്പ്പെട്ടവരെ കണ്ടെത്തിയെന്നും സര്ക്കാര് കോടതിയെ അറിയിച്ചു.
