തൃശൂര്‍: അന്തരിച്ച ഭാവഗായകന് പി ജയചന്ദ്രന്‍ സംസ്‌കാരം നാളെ നടക്കും. പറവൂര്‍ ചേന്നമംഗലത്തുവച്ചാണ് സംസ്‌ക്കാര ചടങ്ങുകള്‍. ഇന്ന് രാവിലെ എട്ട് മണിക്ക് മൃതദേഹം പൂങ്കുന്നത്ത് ചക്കാമുക്ക്, തോട്ടേക്കാട്ട് ലൈനിലുള്ള തറവാട് വീട്ടിലേക്ക് കൊണ്ടുപോകും.10 മണിക്ക് തൃശൂര്‍ സംഗീത നാടക അക്കാദമി ഹാളിലെ റീജണല്‍ തീയറ്ററില്‍ പൊതുദര്‍ശനം നടക്കും.
നാളെ (11-01-2025) 9 മണിമുതല്‍ ചേന്ദമംഗലം പാലിയം തറവാട്ടിലെ പൊതുദര്‍ശനത്തിന് ശേഷമായിരിക്കും സംസ്‌കാരം. വൈകീട്ട് മൂന്ന് മണിയോടെ പാലിയം തറവാട് ശ്മശാനത്തില്‍ സംസ്‌കാരച്ചടങ്ങുകള്‍ നടക്കും.
നിരവധി അനശ്വര ഗാനങ്ങള്‍ സമ്മാനിച്ച മലയാളത്തിന്റെ ഭാവഗായകന് 80-ാം വയസില്‍ വിട പറഞ്ഞത്. തൃശൂര്‍ അമല ആശുപത്രിയില്‍ ചികിത്സയിലിരിക്കെ കഴിഞ്ഞ ദിവസം രാത്രിയായിരുന്നു പി ജയചന്ദ്രന്‍ അന്തരിച്ചത്. മലയാളം, തമിഴ്, തെലുങ്ക്, കന്നഡ, ഹിന്ദി ഭാഷകളിലായി പതിനാറായിരത്തിലേറെ ഗാനങ്ങളാണ് അദ്ദേഹം സംഗീത ലോകത്തിന് സമ്മാനിച്ചത്. മികച്ച പിന്നണി ഗായകനുള്ള ദേശീയ പുരസ്‌കാരം ഒരു തവണയും സംസ്ഥാന ചലച്ചിത്ര പുരസ്‌കാരം അഞ്ച് തവണയും നേടിയിട്ടുണ്ട്. കലാകേരളത്തിന്റെ വിവിധ മേഖലകളില്‍നിന്നുള്ളവര്‍ അദ്ദേഹത്തിന്റെ വിയോഗത്തില്‍ ദുഃഖം രേഖപ്പെടുത്തി.
Discussion about this post