തിരുവനന്തപുരം: സംസ്ഥാനത്ത് പുതിയ പൊലീസ് മേധാവിയായി രവാഡ ചന്ദ്രശേഖറെ നിയമിച്ചു. ആന്ധ്രപ്രദേശ് വെസ്റ്റ് ഗോദാവരി സ്വദേശിയായ രവാഡ നിലവില് ഐബി സ്പെഷ്യല് ഡയറക്ടറാണ്. കേന്ദ്ര രഹസ്യന്വേഷണ ഏജന്സിയില് 15 വര്ഷത്തെ അനുഭവ സമ്പത്തുമായാണ് 1991 ബാച്ചിലെ ഐപിഎസ് ഉദ്യോഗസ്ഥനായ രവാഡ ചന്ദ്രശേഖര് പൊലീസ് മേധാവിയാകുന്നത്.
വിവിധ ജില്ലകളില് പൊലിസ് മേധാവിയായി പ്രവര്ത്തിച്ച അദ്ദേഹം
തിരുവനന്തപുരത്തും കമ്മീഷണറായിരുന്നു. ഇടയ്ക്ക് യുഎന് ഡെപ്യൂട്ടഷനില് പോയിരുന്നു. മടങ്ങിയെത്തി ശേഷം എസ്സിആര്ബിയില് ഐജിയായി. ഏറെ വൈകാതെ ഐബിയിലേക്ക് വീണ്ടും ഡെപ്യൂട്ടേഷനില് പോയി. നെക്സല് ഓപ്പറേഷന് ഉള്പ്പെടെ രഹസ്യന്വേഷണ വിഭാഗത്തിലെ നിര്ണായക തസ്തികളില് ജോലി ചെയ്തു. ഐബിയുടെ സ്പെഷ്യല് ഡയറക്ടറായി ഉയര്ത്തപ്പെട്ടു. ഇതിനിടെയാണ് സംസ്ഥാന പൊലീസ് മേധാവി തസ്തികയിലേക്ക് വരാന് താല്പര്യമറിയിച്ചത്. പട്ടികയില രണ്ടാം സ്ഥാനക്കാരനായി ആന്ധ്ര വെസ്റ്റ് ഗോദാവരി ജില്ലക്കാരന്. രവാഡയെന്ന കര്ഷക തറവാടില് നിന്നും പൊലീസ് മേധാവി കസേരയിലേക്ക് എത്തുകയാണ് രവാഡ. മികച്ച സേവനത്തിന് രാഷ്ട്രപതിയുടെ വിശിഷ്ട- സ്തുത്യര്ഹ മെഡലുകള് ലഭിച്ചിട്ടുണ്ട്. സരിതയാണ് ഭാര്യ. കാര്ത്തിക്, വസിഷ്ഠ് എന്നിവരാണ് മക്കള്.
