ബാംഗ്ലൂര്: 
മാധവന് നായര്ക്കെതിരെ എസ്.ബാന്ഡ് ഇടപാടുമായി ബന്ധപ്പെട്ട ഐ.എസ്.ആര്.ഒ. അന്വേഷണ റിപ്പോര്ട്ടില് പരാമര്ശം. കരാറുമായി ബന്ധപ്പെട്ട നടപടിക്രമങ്ങളില് മാധവന് നായര്ക്ക് വീഴ്ച പറ്റിയെന്നും മാധവന് നായരും മറ്റു മൂന്ന് ശാസ്ത്രജ്ഞന്മാരുമാണ് ഇടപാടിന് പിന്നിലെന്നും ആന്ട്രിക്സ്-ദേവാസ് കരാറില് സുതാര്യതയില്ലായിരുന്നുവെന്നും റിപ്പോര്ട്ടിലുള്ളതായി സൂചനയുണ്ട്. ഐ.എസ്.ആര്.ഒ.യുടെ മുന് സയന്റിഫിക് സെക്രട്ടറി കെ. ഭാസ്കര നാരായണ, ആന്ട്രിക്സ് മുന്മാനേജിങ് ഡയറക്ടര് കെ.ആര്. ശ്രീധരമൂര്ത്തി, ഐ.എസ്.ആര്.ഒ. സാറ്റലൈറ്റ് സെന്റര് മുന്ഡയറക്ടര് കെ.എന്. ശങ്കര തുടങ്ങിയവരാണ് റിപ്പോര്ട്ടില് പരാമര്ശിച്ചിട്ടുള്ള ച മറ്റുശാസ്ത്രജ്ഞര്. പെന്ഷന് ചട്ടങ്ങള്ക്ക് അനുസൃതമായോ മറ്റു നിയമപ്രകാരമോ ഈ ശാസ്ത്രജ്ഞരടക്കം എട്ടു പേര്ക്കെതിരെ അടിയന്തര നടപടിയെടുക്കണമെന്ന് കേന്ദ്രസര്ക്കാരിനോട് ശുപാര്ശ ചെയ്തിട്ടുണ്ട്. പ്രത്യുഷ് സിന്ഹ കമ്മിറ്റിയില് ഐഎസ്ആര്ഒ ചെയര്മാന് ഡോ.കെ.രാധാകൃഷ്ണനും അംഗമായിരുന്നു. ഈ കാരണത്താലാണ് തന്നോടുള്ള വ്യക്തിവിരോധം തീര്ക്കാന് രാധാകൃഷ്ണന് എതിരായ റിപ്പോര്ട്ട് നല്കിയതെന്ന് ജി.മാധവന് നായര് ആരോപിച്ചത്.
കരാറിലേര്പ്പെട്ടതില് ഭരണപരമായതോ നടപടിക്രമങ്ങളിലെയോ വീഴ്ച മാത്രമല്ല ഉണ്ടായതെന്നും അതിലുപരിയായ ഗൂഢാലോചന നടന്നതായി തോന്നുന്നുവെന്നും കരാര് ദേവാസിന് പ്രത്യക്ഷത്തില്ത്തന്നെ അനുകൂലമാണെന്നും റിപ്പോര്ട്ടില് പറയുന്നു. 2011 ഫിബ്രവരി 10-നാണ് കേന്ദ്രസര്ക്കാര് പ്രത്യുഷ് സിന്ഹ, ബി.കെ. ചതുര്വേദി, പ്രൊഫ. ആര്. നരസിംഹ എന്നിവരടങ്ങുന്ന ഉന്നതാധികാര സമിതിയെ ചുമതലപ്പെടുത്തിയത്.
എസ് ബാന്ഡ്: മാധവന്നായര് വീഴ്ച വരുത്തിയെന്ന് റിപ്പോര്ട്ട്
പുതിയ വാർത്തകൾ
Discussion about this post