തിരുവനന്തപുരം: ചേങ്കോട്ടുകോണം ശ്രീരാമദാസ ആശ്രമത്തില് ജ്യോതിക്ഷേത്രത്തിനുമുന്നില് പ്രത്യേകം തയാറാക്കിയ അയോധ്യാനഗരിയില് നടക്കുന്ന ശ്രീരാമനവമി ഹിന്ദുമഹാസമ്മേളനത്തിന്റെ ഭാഗമായ സാഹിത്യസമ്മേളനം ഇന്ന് വൈകുന്നേരം 6.30ന് നടക്കും. മുന്ചീഫ് സെക്രട്ടറി ആര്.രാമചന്ദ്രന് നായര് സമ്മേളനം ഉദ്ഘാടനം ചെയ്യും. ദേവസ്വം-ഗതാഗത വുകുപ്പുമന്ത്രി അഡ്വ.വി.എസ്.ശിവകുമാര് വിശിഷ്ടാതിഥിയായിരിക്കും. എന്.കൃഷ്ണപിള്ള ഫൗണ്ടേഷന് സെക്രട്ടറി ഡോ.എഴുമറ്റൂര് രാജരാജവര്മ്മ അധ്യക്ഷതവഹിക്കുന്ന സമ്മേളനത്തില് വൈലോപ്പിള്ളി സംസ്കൃതിഭവന് മെമ്പര് സെക്രട്ടറി ഡോ.വിളക്കുടി രാജേന്ദ്രന് ‘ദര്ശനം-ആശാന് കൃതികളില്’ എന്ന പ്രബന്ധം അവതരിപ്പിക്കും. ഗുരുവായൂര് ദേവസ്വം ബോര്ഡ് അംഗം അഡ്വ.ജി.മധുസൂദനന് പിള്ള, ശ്രീരാമദാസ ആശ്രമം പ്രസിഡന്റ് ബ്രഹ്മശ്രീ സ്വാമി ബ്രഹ്മപാദാനന്ദ സരസ്വതി, നരുവാമൂട് പമേശ്വരന് നായര്, ടി.മായാമോഹന് എന്നിവര് യോഗത്തില് സംസാരിക്കും.
ശ്രീരാമദാസ ആശ്രമത്തില് സാഹിത്യസമ്മേളനം ഇന്ന്
പുതിയ വാർത്തകൾ
Discussion about this post