കോഴിക്കോട്: കാലിക്കറ്റ് സര്വകലാശാലയുടെ ഭൂമി സര്ക്കാര് താത്പര്യത്തിന് വിരുദ്ധമായി ആര്ക്കും വിട്ടുകൊടുക്കില്ലെന്ന് മുഖ്യമന്ത്രി ഉമ്മന് ചാണ്ടി. സര്ക്കാരിന്റെ ഒരിഞ്ചു പോലും അനാവശ്യമായി നഷ്ടപ്പെടുത്തില്ല. സര്ക്കാര് ഭൂമി വിട്ടുകൊടുക്കണമെങ്കില് മന്ത്രിസഭ അറിയണം. മന്ത്രിസഭ അങ്ങനെയൊരു തീരുമാനമെടുത്തില്ല.
ഭൂമി നല്കുന്ന കാര്യം സര്ക്കാരിന്റെ പരിഗണനയ്ക്ക് വിടാന് സര്വകലാശാല തീരുമാനിച്ചതായാണ് മാധ്യമങ്ങളില് നിന്ന് അറിയാന് കഴിഞ്ഞത്. പിന്നീട് അവര് തന്നെ ആ തീരുമാനം റദ്ദാക്കി. നടക്കാത്ത ഒരു കാര്യത്തിന്റെ പേരിലാണ് വിവാദമത്രയും. ഈ വിഷയത്തില് ജുഡീഷ്യല് അന്വേഷണത്തിന്റെ ആവശ്യമില്ലെന്നും അദ്ദേഹം പറഞ്ഞു.
