ലണ്ടന്‍: ബ്രിട്ടീഷ് പ്രധാനമന്ത്രി ഡേവിഡ് കാമറണിന്റെ മുന്‍ മാധ്യമ ഉപദേഷ്ടാവ് ആന്‍ഡി കോള്‍സണിനെ(44) പൊലീസ് അറസ്റ്റ് ചെയ്തു. ഫോണ്‍ ചോര്‍ത്തല്‍ കേസില്‍ കോടതിയില്‍ കള്ളസാക്ഷ്യം നല്‍കിയതിനാണ് അറസ്റ്റ്.
മാധ്യമരാജാവ് റൂപര്‍ട്ട് മര്‍ഡോക്കിന്റെ ഉടമസ്ഥതയിലുണ്ടായിരുന്ന വിവാദ പത്രം ന്യൂസ് ഓഫ് ദ് വേള്‍ഡിന്റെ എഡിറ്ററായിരുന്നു കോള്‍സണ്‍.ലണ്ടനിലെ വസതിയില്‍ നിന്ന് അറസ്റ്റ് ചെയ്ത കോള്‍സണിനെ പൊലീസ് ചോദ്യം ചെയ്തുവരികയാണ്.
പത്രത്തില്‍ നടന്ന ഫോണ്‍ ചോര്‍ത്തല്‍ അടക്കമുള്ള നിയമവിരുദ്ധ പ്രവര്‍ത്തനങ്ങള്‍ തന്റെ അറിവോടെയല്ലെന്നായിരുന്നു കോണ്‍സണിന്റെ വാദം. എന്നാല്‍ ഈ വാദം പൊളിയുന്ന സൂചനകള്‍ പൊലീസിനു ലഭിച്ചതിനെ തുടര്‍ന്നാണ് അറസ്റ്റ് ഉണ്ടായിരിക്കുന്നത്.
Discussion about this post