തിരുവനന്തപുരം: സേളാര്‍ തട്ടിപ്പ് കേസില്‍ മുഖ്യമന്ത്രി ഉമ്മന്‍ ചാണ്ടിയുടെ രാജി ആവശ്യപ്പെട്ട് ഡിവൈഎഫ്ഐ പ്രവര്‍ത്തകര്‍ നിയമസഭയിലേക്കു നടത്തിയ മാര്‍ച്ച് അക്രമാസക്തമായി. ചന്ദ്രശേഖരന്‍ നായര്‍ സ്റ്റേഡിയത്തിനു മുന്നില്‍ വച്ചാണ് പോലീസ് മാര്‍ച്ച് തടഞ്ഞത്. ഇതോടെ പോലീസിനു നേര്‍ക്ക് പ്രവര്‍ത്തകര്‍ കല്ലെറിഞ്ഞു. കല്ലേറ് രൂക്ഷമായതോടെ പോലീസ് ജലപീരങ്കിയും കണ്ണീര്‍ വാതകവും പ്രയോഗിച്ചു തിരിച്ചടിച്ചു. അഞ്ചു റൌണ്ട് കണ്ണീര്‍ വാതകമാണ് പ്രയോഗിച്ചത്. എന്നിട്ടും സ്ഥിതി നിയന്ത്രണാധീതമാകാതിരുന്നതിനെ തുടര്‍ന്ന് ഗ്രനേഡ് പ്രയോഗിച്ചു. പോലീസും ഡിവൈഎഫ്ഐ പ്രവര്‍ത്തകരും തമ്മില്‍ രൂക്ഷമായ ഏറ്റുമുട്ടലാണ് നടന്നത്. കോടിയേരി ബാലകൃഷ്ണന്റെ നേതൃത്വത്തില്‍ ഇടത് എംഎല്‍എമാര്‍ സ്ഥലത്തെത്തി. പ്രദേശത്ത് ഇപ്പോഴും സംഘര്‍ഷാവസ്ഥ നിലനില്‍ക്കുകയാണ്. സമരക്കാര്‍ പൂര്‍ണമായും പിരിഞ്ഞുപോയിട്ടില്ല.
ഡിവൈഎഫ്ഐ പ്രവര്‍ത്തകര്‍ നിയമസഭയിലേക്കു നടത്തിയ മാര്‍ച്ച് അക്രമാസക്തമായി
പുതിയ വാർത്തകൾ
Discussion about this post