തിരുവനന്തപുരം: അന്താരാഷ്ട്ര മയക്കുമരുന്നു വിരുദ്ധദിനാചരണത്തിന്റെ സംസ്ഥാനതല ഉദ്ഘാടനം നാളെ (ജൂണ്‍ 26) രാവിലെ 9.30 ന് പട്ടം സെന്റ് മേരീസ് ഹയര്‍ സെക്കന്‍ഡറി സ്‌കൂളില്‍ മുഖ്യമന്ത്രി ഉമ്മന്‍ ചാണ്ടി നിര്‍വഹിക്കും. മന്ത്രി കെ. ബാബുവിന്റെ അധ്യക്ഷതയില്‍ നടക്കുന്ന ചടങ്ങില്‍ കേന്ദ്ര മാനവവിഭവശേഷിവികസന സഹമന്ത്രി ഡോ. ശശിതരൂര്‍ മുഖ്യതിഥിയായിരിക്കും.
ചടങ്ങില്‍ മന്ത്രി വി.എസ്. ശിവകുമാര്‍ ലഹരിവിരുദ്ധ പ്രതിജ്ഞ ചൊല്ലിക്കൊടുക്കും. മികച്ച ലഹരിവിരുദ്ധ പ്രവര്‍ത്തനങ്ങള്‍ക്കുള്ള പുരസ്‌കാരങ്ങള്‍ മന്ത്രി പി.കെ. അബ്ദുറബ്ബ് സമ്മാനിക്കും. മേയര്‍ അഡ്വ. കെ ചന്ദ്രിക, കെ. മുരളീധരന്‍ എം.എല്‍.എ. എന്നിവര്‍ മുഖ്യപ്രഭാഷണം നടത്തും. സംസ്ഥാന എക്‌സൈസ് വകുപ്പ് വിദ്യാഭ്യാസ വകുപ്പുമായി സഹകരിച്ചാണ് പരിപാടി നടത്തുന്നത്.
Discussion about this post