തിരുവനന്തപുരം: മുഖ്യമന്ത്രിക്കുനേരെയുണ്ടായ ആക്രമണവുമായി ബന്ധപ്പെട്ട് എം.എല്.എ മാരെ അറസ്റ് ചെയ്യുന്നതിന് മുന്കൂട്ടി അനുമതി വാങ്ങേണ്ടതില്ലെന്ന് സ്പീക്കര് ജി.കാര്ത്തികേയന്. സംഭവമുമായി എം.എല്.എ മാര്ക്ക് ബന്ധമുണ്ടെന്നു കണ്ടാല് പോലീസിന് അറസ്റ് ചെയ്യാം. എന്നാല് അറസ്റ് നടന്നാല് ആ വിവരം സ്പീക്കറെ അറിയിക്കണം. നിയമസഭാ പരിസരത്ത് അറസ്റ് ഉണ്ടാവുമ്പോള് മാത്രമാണ് സ്പീക്കറുടെ അനുമതി തേടേണ്ടത് അദ്ദേഹം പറഞ്ഞു. കണ്ണൂര് സംഭവത്തിന്റെ പേരില് സിപിഎം എംഎല്എമാരായ കെ.കെ നാരായണന്, സി കൃഷ്ണന് എന്നിവര്ക്കെതിരേ ഉള്പ്പെടെയാണ് പോലീസ് വധശ്രമത്തിന് കേസെടുത്തിരിക്കുന്നത്.
Discussion about this post