ആലുവ: സര്ക്കാറില് നിന്ന് സാമ്പത്തിക സഹായം പറ്റുന്നതോ, സ്വാശ്രയമോ ആയ വിദ്യാഭ്യാസ സ്ഥാപനങ്ങളില് പട്ടികജാതി-പട്ടികവര്ഗ, പിന്നാക്ക വിഭാഗങ്ങള്ക്ക് ഏര്പ്പെടുത്തിയിരുന്ന സംവരണം പുനഃസ്ഥാപിക്കണമെന്ന് ഹരിജന് സമാജം സംസ്ഥാന സമിതി ആവശ്യപ്പെട്ടു. 2006-ലെ ഭരണഘടന 93-ാം ഭേദഗതി 15(5) ലൂടെയാണ് സംവരണം ഇല്ലാതായത്. അതിനാല് രാജ്യത്തെ ദുര്ബല വിഭാഗങ്ങള്ക്ക് നിഷേധിക്കപ്പെട്ട വിദ്യാഭ്യാസ അവകാശങ്ങള് പുനഃസ്ഥാപിക്കുന്നതിന് ഭരണഘടനയില് ഭേദഗതി വരുത്തുകയോ, 93-ാം ഭേദഗതി റദ്ദാക്കുകയോ ചെയ്യണമെന്നാണ് ആവശ്യം. യോഗത്തില് പ്രസിഡന്റ് ആചാര്യ എം.കെ. കുഞ്ഞോല് അദ്ധ്യക്ഷത വഹിച്ചു. ജനറല് സെക്രട്ടറി വി. കമലന് മാസ്റ്റര്, എം.സി. തങ്കപ്പന്, അജികുമാര് ചാലയ്ക്കല്, സുബ്രഹ്മണ്യ സ്വാമി എന്നിവര് പങ്കെടുത്തു.
Discussion about this post