തിരുവനന്തപുരം: നിയമവിരുദ്ധമായി അമിത പലിശയ്ക്ക് പണം കൊടുത്തു നിയമലംഘനം നടത്തുന്നവര്ക്കെതിരെയുള്ള നടപടികളുടെ ഭാഗമായി സംസ്ഥാനത്ത് ഇന്നലെ (ചൊവ്വാഴ്ച) 106 റെയ്ഡുകള് നടത്തിയതായി സംസ്ഥാനപോലീസ് മേധാവി അറിയിച്ചു. ഇതേത്തുടര്ന്ന് മൂന്നുപേര് പോലീസ് പിടിയിലായി. ഏഴു കേസുകള് രജിസ്റ്റര് ചെയ്തു.
അനധികൃതമായി സൂക്ഷിച്ച നിരവധി രേഖകളും കണ്ടെടുത്തിട്ടുണ്ട്. ഇതോടെ ഇതുവരെയായി അമിതപലിശക്കാര്ക്കെതിരെ നടന്ന 9660 ലേറെ റെയ്ഡുകളിലായി 766 പേര് പിടിയിലായി. 1402 കേസുകള് ആകെ രജിസ്റ്റര് ചെയ്തിട്ടുണ്ട്. അമിത പലിശക്കാരെക്കുറിച്ചും അനധികൃത പണമിടപാടു സ്ഥാപനങ്ങളെക്കുറിച്ചും പോലീസ് നടത്തുന്ന അന്വേഷണത്തിന്റെയും പൊതുജനങ്ങളില് നിന്ന് ലഭിക്കുന്ന വിവരത്തിന്റെയും അടിസ്ഥാനത്തിലുള്ള കര്ശന പരിശോധന വരും ദിവസങ്ങളിലും തുടരുമെന്ന് സംസ്ഥാനപോലീസ് മേധാവി അറിയിച്ചു.
Discussion about this post