ഗോദാവരി: ആന്ധ്രയിലെ കിഴക്കന് ഗോദാവരി ജില്ലയില് ഒഎന്ജിസി പൈപ്പ് ലൈനില് തീപിടിച്ചു 15 പേര് മരിച്ചു. മുപ്പതോളം പേര്ക്കു പരിക്കേറ്റു. ഇതില് തന്നെ 10 പേരുടെ നില അതീവഗുരുതരമാണ്. ഗുണ്ടൂരിലെ ഒഎന്ജിസി പൈപ്പ് ലൈനിലാണ് അഗ്നിബാധയുണ്ടായത്. തീപിടുത്തത്തെ തുടര്ന്നു സ്ഫോടനം നടന്നു. രാവിലെ 5.30നാണ് സംഭവം. അപകടത്തിന്റെ കാരണം വ്യക്തമല്ല. പ്രദേശത്തുനിന്നുള്ള ആളുകളെ സുരക്ഷിത സ്ഥാനങ്ങളിലേക്കു മാറ്റി. പൈപ്പ് ലൈന് വഴിയുള്ള ഗ്യാസ് വിതരണം നിര്ത്തിവെച്ചതായി അധികൃതര് വ്യക്തമാക്കി.
ഗ്യാസ് അതോറിറ്റി ഓഫ് ഇന്ത്യയുടെ ഉടമസ്ഥതയിലുള്ള ഗ്യാസ് ലൈനിലാണ് തീപിടുത്തം ഉണ്ടായിരിക്കുന്നത്. രക്ഷാപ്രവര്ത്തനം പുരോഗമിക്കുന്നു. 20തോളം ഫയര് എഞ്ചിനുകളും നിരവധി പോലീസുകാരും സ്ഥലത്തെത്തി. സ്ഥിതിഗതികള് നിയന്ത്രണ വിധേയമായതായാണ് റിപ്പോര്ട്ട്. ഭാവിയില് ഇത്തരം സംഭവങ്ങള് ആവര്ത്തിക്കാതിരിക്കാനുള്ള നടപടികള് സ്വീകരിക്കാനും തീപിടുത്തത്തെക്കുറിച്ച് അന്വേഷണം നടത്താനും മുഖ്യമന്ത്രി ചന്ദ്രബാബു നായിഡു ഉത്തരവിട്ടു. സംഭവത്തെ കുറിച്ച് അന്വേഷിക്കുവാന് പ്രധാനമന്ത്രി നരേന്ദ്ര മോഡിയും ആവശ്യപ്പെട്ടിട്ടുണ്ട്.
Discussion about this post