തിരുവനന്തപുരം: ദേശീയ അധ്യാപക ദിനത്തോടനുബന്ധിച്ച് പൊതുവിദ്യാഭ്യാസ വകുപ്പ് ഏര്പ്പെടുത്തിയിട്ടുള്ള 2013 വര്ഷത്തെ പ്രൊഫസര് ജോസഫ് മുണ്ടശേരി സ്മാരക അവാര്ഡിന് അധ്യാപകരില് നിന്നും രചനകള് ക്ഷണിച്ചു. 2008 ജനുവരി മുതല് 2012 ഡിസംബര് വരെയുള്ള കാലയളവില് മലയാളത്തില് ആദ്യത്തെ പതിപ്പായി പ്രസിദ്ധീകരിച്ചിട്ടുള്ള സര്ഗ്ഗാത്മക സാഹിത്യം, വൈജ്ഞാനിക സാഹിത്യം, ബാലസാഹിത്യം എന്നീ വിഭാഗങ്ങളിലുള്ള രചനകള് അയയ്ക്കാം.
പൊതുവിദ്യാഭ്യാസ ഡയറക്ടറുടെ അധ്യക്ഷതയില് പ്രശസ്ത സാഹിത്യകാരന്മാര് ഉള്പ്പെടുന്ന കമ്മിറ്റി അവാര്ഡിന് അര്ഹതയുള്ള കൃതികള് തെരഞ്ഞെടുക്കും. പതിനായിരം രൂപയും പ്രശസ്തി പത്രവും ശില്പവും അടങ്ങുന്നതാണ് അവാര്ഡ്. രചനകളുടെ അഞ്ച് പകര്പ്പുകള്, ഇപ്പോഴും സര്വീസില് തുടരുന്നുവെന്ന മേലുദ്യോഗസ്ഥന്റെ സാക്ഷ്യപത്രം സഹിതം ജൂലൈ 25 നകം വിദ്യാഭ്യാസ ഡയറക്ടറേറ്റിലെ പബ്ലിക് റിലേഷന്സ് ആഫീസര്ക്ക് ലഭിക്കത്തക്കവിധം അയയ്ക്കണം.
Discussion about this post