വൈക്കം: ക്ഷേത്രകലാപീഠത്തിലെ ബിരുദദാന സമ്മേളനം തിരുവിതാംകൂര് ദേവസ്വംബോര്ഡ് പ്രസിഡന്റ് അഡ്വ.എം.പി.ഗോവിന്ദന് നായര് ഉദ്ഘാടനം ചെയ്തു. എന്.എസ് ഓഡിറ്റോറിയത്തില് നടന്ന ചടങ്ങില് ദേവസ്വംബോര്ഡംഗം പി.കെ.കുമാരന് അധ്യക്ഷത വഹിച്ചു. വാദ്യോപകരണങ്ങള് കെ.അജിത്ത് എംഎല്എ വിദ്യാര്ഥികള്ക്കു വിതരണം ചെയ്തു.
ക്ഷേത്രകലാപീഠത്തിന് ആദ്യമായി തയാറാക്കിയ പുസ്തകത്തിന്റെ പ്രകാശനം നഗരസഭാ ചെയര്പേഴ്സണ് ശ്രീലതാ ബാലചന്ദ്രന് നിര്വഹിച്ചു. യോഗത്തില് നാഗസ്വര വിദ്വാന് തിരുവിഴ ജയശങ്കറിനെയും ഊരമന രാജേന്ദ്രമാരാരെയും ദേവസ്വംബോര്ഡ് പ്രസിഡന്റ് അഡ്വ.എം.പി.ഗോവിന്ദന് നായര് ഉപഹാരം നല്കി ആദരിച്ചു.
കള്ച്ചറല് ഡയറക്ടര് കെ.ചന്ദ്രിക, പി.നാരായണന്, ജി.അനില്കുമാര്, പി.എസ്.രാജന്, ശശികുമാര്, പി.എസ്.വേണുഗോപാല്, മുരാരി ബാബു തുടങ്ങിയവര് പ്രസംഗിച്ചു.
