തിരുവനന്തപുരം: കേരള സംസ്ഥാന പൊതുവിദ്യാഭ്യാസ വകുപ്പ് സംഘടിപ്പിക്കുന്ന സംസ്ഥാന സുബ്രതോ മുഖര്ജികപ്പ് ഫുട്ബോള് ചാമ്പ്യന്ഷിപ്പ് ജൂലൈ 22 മുതല് 25 വരെ തൊടുപുഴ, മുതലക്കുടം സെന്റ് ജോര്ജ്ജ് ഹയര്സെക്കന്ഡറി സ്കൂളില് നടക്കും.
14 വയസിന് താഴെയുള്ള ആണ്കുട്ടികള്, 17 വയസിന് താഴെയുള്ള ആണ്കുട്ടികള്, 17 വയസിന് താഴെയുള്ള പെണ്കുട്ടികള് എന്നീ മൂന്ന് വിഭാഗത്തില് റവന്യൂ ജില്ലാ മത്സരങ്ങളില് ഒന്നാം സ്ഥാനം നേടിയ സ്കൂള് ടീമുകള്, പ്രഥമാധ്യാപകന് സാക്ഷ്യപ്പെടുത്തിയ ഫോട്ടോ പതിപ്പിച്ച എലിജിബിലിറ്റി സര്ട്ടിഫിക്കറ്റ്, വയസ് തെളിയിക്കുന്നതിനുള്ള ഒറിജിനല് മെഡിക്കല് സര്ട്ടിഫിക്കറ്റ്, ജനനസര്ട്ടിഫിക്കറ്റിന്റെ സാക്ഷ്യപ്പെടുത്തിയ പകര്പ്പ് എന്നീ രേഖകള് സഹിതം ജൂലൈ 21-ാം തീയതി വൈകിട്ട് അഞ്ച് മണിക്ക് മുതലക്കുടം സെന്റ്ജോര്ജ്ജ് ഹയര്സെക്കന്ഡറി സ്കൂളില് റിപ്പോര്ട്ട് ചെയ്യേണ്ടതാണെന്ന് പൊതുവിദ്യാഭ്യാസ ഡയറക്ടര് അറിയിച്ചു.
Discussion about this post