തിരുവനന്തപുരം: രണ്ടു ദിവസമായി തെക്കന് കേരളത്തിലും മധ്യകേരളത്തിലും തകര്ത്തു പെയ്യുന്ന മഴ വടക്കന് കേരളത്തിലും ശക്തിപ്രാപിക്കുമെന്നു കാലാവസ്ഥാ നിരീക്ഷണകേന്ദ്രം അറിയിച്ചു. നാളെ രാവിലെ വരെ തെക്കന് കേരളത്തിലും മധ്യകേരളത്തിലും ശക്തമായ മഴയ്ക്കും വടക്കന് കേരളത്തില് കനത്തതോ അത്യന്തം കനത്തതോ ആയ മഴയ്ക്കും സാധ്യതയുണ്ടെന്നാണു കാലാവസ്ഥ നിരീക്ഷണകേന്ദ്രം അറിയിച്ചിരിക്കുന്നത്.
ഏഴു മുതല് 14 വരെ സെന്റിമീറ്റര് മഴ പെയ്യാനാണു സാധ്യത. കേരളതീരത്തു പടിഞ്ഞാറന് കാറ്റിന്റെ വേഗം ചില അവസരങ്ങളില് മണിക്കൂറില് 45 മുതല് 55 കിലോമീറ്റര് വരെ ആകാന് സാധ്യതയുള്ളതിനാല് മീന്പിടിത്തക്കാര് ജാഗ്രത പാലിക്കണം.
Discussion about this post