കൊച്ചി: ടൈറ്റാനിയം മലിനീകരണ നിയന്ത്രണ പ്ലാന്റ് അഴിമതിക്കേസില് തനിക്ക് യാതൊരു പങ്കുമില്ലെന്നും ഏത് അന്വേഷണത്തിനും തയാറാണെന്നും മുഖ്യമന്ത്രി ഉമ്മന് ചാണ്ടി വ്യക്തമാക്കി. കൊച്ചിയില് മാധ്യമപ്രവര്ത്തകരോട് സംസാരിക്കുകയായിരുന്നു മുഖ്യമന്ത്രി.
കേസില് രമേശ് ചെന്നിത്തലയ്ക്ക് ഒരു പങ്കുമില്ല. വിഷയത്തില് മന്ത്രിസഭ തീരുമാനമെടുക്കുന്ന കാലത്ത് ചെന്നിത്തല സര്ക്കാരിന്റെ ഭാഗമല്ല. അദ്ദേഹം അന്ന എംഎല്എ സ്ഥാനവും വഹിച്ചിട്ടില്ല. പിന്നെങ്ങനെ അദ്ദേഹത്തിനെതിരേ അന്വേഷണം വരുമെന്ന കാര്യമറിയില്ലെന്നും മുഖ്യമന്ത്രി പറഞ്ഞു.
പദ്ധതി നടപ്പാക്കിയത് മന്ത്രിസഭയുടെ അനുമതിയോടെയാണ്. ഫാക്ടറിയെയും തൊഴിലാളികളെയും രക്ഷിക്കുന്നതിന് വേണ്ടിയാണ് നവീകരണ പ്രവര്ത്തനം നടത്തിയത്. പിന്നീട് വന്ന ഇടത് സര്ക്കാര് ആഘോഷവൂര്വം നവീകരണം ഏറ്റെടുത്തു. കേസ് ആദ്യം രജിസ്റ്റര് ചെയ്തപ്പോള് തന്റെ പേരില്ലായിരുന്നുവെന്നും മുഖ്യമന്ത്രി പറഞ്ഞു.
Discussion about this post