ജമ്മു: മണ്ണിടിച്ചിലിനെ തുടര്‍ന്ന് 300 കിലോമീറ്റര്‍ ദൂരമുള്ള ജമ്മു-ശ്രീനഗര്‍ ഹൈവേ അടച്ചു. മണ്ണിടിഞ്ഞു വീണ് ഹൈവേയില്‍ പലയിടത്തും ഗതാഗതം തടസപ്പെട്ടതോടെയാണ് വഴിയടച്ചത്. കാഷ്മീരില്‍ പലയിടത്തും വെള്ളപ്പൊക്കവും ഗതാഗതത്തെ ബാധിച്ചിട്ടുണ്ട്. 1,200 ഓളം വാഹനങ്ങള്‍ ഹൈവേയില്‍ കുടുങ്ങിയിട്ടുണ്‌ടെന്നാണ് പോലീസ് റിപ്പോര്‍ട്ട്.
റോഡിലേയ്ക്ക് വീണ മണ്ണ് മാറ്റാന്‍ അധികൃതര്‍ ശ്രമം തുടങ്ങിയിട്ടുണ്ട്. വെള്ളപ്പൊക്ക മേഖലയിലൂടെ അടുത്ത രണ്ടു ദിവസത്തേയ്ക്ക് യാത്ര ചെയ്യരുതെന്ന് പോലീസ് ജനങ്ങള്‍ക്ക് മുന്നറിയിപ്പ് നല്കിയിട്ടുണ്ട്. സംസ്ഥാനത്ത് കനത്ത മഴ തുടരുകയാണ്.
Discussion about this post