തിരുവനന്തപുരം: സ്കൂള് പരിസരങ്ങളില് കുട്ടികള്ക്ക് സിഗരറ്റ,് പാന്മസാല, മദ്യം, മയക്കുമരുന്നുകള് തുടങ്ങിയവ വില്പന നടത്തുന്നതു തടയാന് സംസ്ഥാന പോലീസ് മേധാവിയുടെ നിര്ദേശപ്രകാരം പോലീസ് സംസ്ഥാന വ്യാപകമായി നടത്തിയ റെയ്ഡില് 16 പേര് അറസ്റ്റിലായി. 65 റെയ്ഡുകളിലായി 16 കേസുകള് രജിസ്റ്റര് ചെയ്തിട്ടുണ്ട്.
ഇതോടെ മെയ് 30 മുതല് നടന്നു വരുന്ന റെയ്ഡില് ഇതുവരെ അറസ്റ്റിലായവരുടെ എണ്ണം 4243 ആയി. ആകെ 23004 റെയ്ഡുകളിലായി 4362 കേസുകള് രജിസ്റ്റര് ചെയ്തു. സംസ്ഥാന വ്യാപകമായ റെയ്ഡുകള് വരും ദിവസങ്ങളിലും തുടരും. സ്കൂള് പരിസരങ്ങളില് മദ്യം, മയക്കുമരുന്നുകള്, പുകയില ഉത്പന്നങ്ങള് എന്നിവ വില്പന നടത്തുന്നതു ശ്രദ്ധയില്പെട്ടാല് പോലീസിനെ വിവരമറിയിക്കണമെന്ന് സ്കൂള് അധികൃതരോടും പൊതുജനങ്ങളോടും സംസ്ഥാന പോലീസ് മേധാവി അഭ്യര്ഥിച്ചു.
Discussion about this post