പത്തനംതിട്ട: ശബരിമലയെ പ്ളാസ്റിക് മുക്തമാക്കി സംരക്ഷിക്കുന്നതിന് ജില്ലാ ഭരണകൂടം നടപ്പാക്കിവരുന്ന ബോധവത്ക്കരണ പദ്ധതിയില് പെട്രോളിയം കമ്പികളും ജില്ലയിലെ പെട്രോള് പമ്പ് ഉടമകളും ജീവനക്കാരും പങ്കാളികളാകും. ഇതിന്റെ ഭാഗമായി ശബരിമല തീര്ഥാടകര് കൂടുതലായി എത്തുന്ന പത്തനംതിട്ട ജില്ലയിലെ മുപ്പതോളം പമ്പുകളില് പ്ളാസ്റിക്കിനെതിരെ ബോധവത്ക്കരണം ആരംഭിക്കും. പദ്ധതിയുടെ ജില്ലാതല ഉദ്ഘാടനം ഡിസം.13 രാവിലെ 11.30 ന് പത്തനംതിട്ടയില് മന്ത്രി അടൂര് പ്രകാശ് നിര്വഹിക്കും.
പെട്രോള് പമ്പുകളില് ഇന്ധനം നിറയ്ക്കാന് തീര്ഥാടകരുടെ വാഹനങ്ങള് നിര്ത്തിയിടുന്ന ചുരുങ്ങിയ സമയത്തിനുള്ളിലാണ് പ്ളാസ്റിക്കിതിെരെ ബോധവത്ക്കരണം നടത്തുക. പ്ളാസ്റിക്കിനെതിരായ ബോധവത്ക്കരണ സന്ദേശം അടങ്ങുന്ന സ്റ്റിക്കര് തീര്ഥാടകരുടെ വാഹനത്തില് പെട്രോള് പമ്പ് ജീവനക്കാര് പതിക്കും. പ്ളാസ്റിക് കവര് കൈവശമുള്ള തീര്ഥാടകര്ക്ക് ബോധവത്ക്കരണ പ്രവര്ത്തനത്തിന്റെ ഭാഗമായി പകരം തുണിസഞ്ചി നല്കും. പെട്രോള് പമ്പുകളിലെ ഉച്ചഭാഷിണികളിലൂടെ പ്ളാസ്റിക്കിനെതിരായ സന്ദേശം നല്കും. ഇന്ത്യന് ഓയില് കോര്പ്പറേഷനാണ് പദ്ധതിയുടെ സ്പോണ്സര്. പ്ളാസ്റിക്കിനെതിരായ ബോധവത്ക്കരണത്തിന്റെ ഭാഗമായി സ്ഥാപിച്ച ബോര്ഡുകളും ഇന്ത്യന് ഓയില് കോര്പ്പറേഷന് സ്പോണ്സര് ചെയ്യും.
Discussion about this post