പുനലൂര്: തിരുവിതാംകൂര് ദേവസ്വം എംപ്ലോയീസ് ഫെഡറേഷന്റെ സംയുക്ത ഗ്രൂപ്പ് കണ്വന്ഷന് പുനലൂര് വെട്ടിപ്പുഴ എന്എസ്എസ് ഹാളില് നടത്തി.ജില്ലാ പഞ്ചായത്ത് പ്രസിഡന്റ് എസ്. ജയമോഹന് കണ്വന്ഷന് ഉദ്ഘാടനം ചെയ്തു. കെ. രാജേന്ദ്രന് നായരുടെ അധ്യക്ഷതയില് കൂടിയ യോഗത്തില് സിപിഎം പുനലൂര് ഏരിയാ സെക്രട്ടറി എം.എ. രാജഗോപാല് മുഖ്യപ്രഭാഷണം നടത്തി. ചടങ്ങില് മികച്ച ജില്ലാ പഞ്ചായത്തിനുള്ള ദേശീയ പുരസ്കാരം നേടിയ കൊല്ലം ജില്ലാ പഞ്ചായത്ത് പ്രസിഡന്റ് എസ്. ജയമോഹനെ ചടങ്ങില് ആദരിച്ചു.
ഫെഡറേഷന് നേതാക്കളായ ഉണ്ണികൃഷ്ണന് നായര്, ടി. കെ. അജിത് പ്രസാദ്, വാസുദേവന് നമ്പൂതിരി, മധു. സി. വാര്യര്, ശ്യാംപ്രകാശ്, എം. ജി. സുകുമാരന്, ടി. ചന്ദ്രന്, സി. സുധീഷ്കുമാര്, എം.പി. പ്രഹ്ളാദന്, ജെ. ജയപ്രകാശ്, സി. ബാബു, എസ്. എല്. കൃഷ്ണകുമാര് തുടങ്ങിയവര് പ്രസംഗിച്ചു.
Discussion about this post