തിരുവനന്തപുരം: കനകക്കുന്ന് കൊട്ടാരവളപ്പ് നവീകരണത്തിനും സൗന്ദര്യവത്കരണത്തിനുമുള്ള അടങ്കല് തുക അഞ്ച് കോടി രൂപയായി വര്ധിപ്പിച്ച് ഭരണാനുമതിയായി. നേരത്തെ മൂന്ന് കോടി അഞ്ച് ലക്ഷം രൂപയാണ് മതിപ്പ് ചെലവ് കണക്കാക്കി അനുമതി നല്കിയിരുന്നത്.
പദ്ധതി നടത്തിപ്പിനിടെ അധിക ജോലികള് ശ്രദ്ധയില്പ്പെട്ടതിനെ തുടര്ന്ന് ടൂറിസം വകുപ്പ് ഡയറക്ടറുടെ അപേക്ഷയുടെ അടിസ്ഥാനത്തിലാണ് അടങ്കല് പരിഷ്കരിച്ചത്. പടിക്കെട്ടുകള്, വരാന്ത, ഗ്രാനൈറ്റ് നടപ്പാത, ലാന്ഡ്സ്കേപ്പിങ്, ഇരിപ്പിടം, പ്രവേശന കവാടം, ഫ്ളാഗ് പോസ്റ്റിന് ചുറ്റും പ്ലാറ്റ്ഫോം, അരഭിത്തി, ജലസേചന സൗകര്യം, റോഡ് വികസനം, നിശാഗന്ധി നവീകരണം, ടോയ്ലറ്റ് നന്നാക്കല്, ഇലക്ട്രിക് ജോലികള് എന്നിവയാണ് നവീകരണ പ്രവര്ത്തനങ്ങള്. ലാന്ഡ് ഡവലപ്മെന്റ് കോര്പ്പറേഷനാണ് നവീകരണ ചുമതല. ഒരു വര്ഷം കൊണ്ട് പണി പൂര്ത്തിയാക്കും.
Discussion about this post