തിരുവനന്തപുരം: 100 കോടിയുടെ ആദ്ധ്യാത്മിക ടൂറിസം ശൃംഖലയില് കേരളത്തെ ഉള്പ്പെടുത്തുമെന്ന് കേന്ദ്ര ടൂറിസം-സാംസ്കാരിക-വ്യോമയാന വകുപ്പ് മന്ത്രി ഡോ.മഹേഷ് ശര്മ്മ പറഞ്ഞു. ആറന്മുള ജലോത്സവം ഉദ്ഘാടനം ചെയ്യുകയായിരുന്നു അദ്ദേഹം.
ശബരിമലയെയും ശ്രീപത്മനാഭസ്വാമി ക്ഷേത്രത്തെയും ഈ ശൃംഖലയുടെ ഭാഗമാക്കും. ശബരിമലയെ ദേശീയ ആദ്ധ്യാത്മിക കേന്ദ്രമായി പ്രഖ്യാപിക്കുതിനു വേണ്ട നടപടി മസ്വീകരിക്കുമെന്ന് അദ്ദേഹം പറഞ്ഞു. ആറന്മുള വള്ളംകളിക്ക് കേന്ദ്രത്തിന്റെ ഗ്രാന്റായി 51 ലക്ഷം രൂപ അനുവദിച്ചു. ആറന്മുളയുടെ പൈതൃക സംരക്ഷണത്തിന് സംസ്ഥാന സര്ക്കാരുമായി ചേര്ന്ന് നടപടി സ്വീകരിക്കുമെും കടമ്മനിട്ട ഗ്രാമത്തിന്റെ മൂന്നാംഘട്ട വികസനത്തിന് കേന്ദ്ര സഹായം നല്കുമെന്നും അദ്ദേഹം പറഞ്ഞു. പമ്പാനദി ഗംഗയ്ക്ക് സമാനമാണ്. ജലവിഭവ മന്ത്രി ഉമാഭാരതിയുമായി സംസാരിച്ച് പമ്പയുടെ സംരക്ഷണത്തിന് ആവശ്യമായ നടപടി സ്വീകരിക്കും. ആറന്മുള ജലോത്സവം ലോകപ്രസിദ്ധി പിടിച്ചുപറ്റിയതായി അദ്ദേഹം പറഞ്ഞു.
ആഭ്യന്തര മന്ത്രി രമേശ് ചെന്നിത്തല ചടങ്ങില് അധ്യക്ഷത വഹിച്ചു.
Discussion about this post