തിരുവനന്തപുരം: കൊല്ലം ജില്ലയിലെ ആരോഗ്യ മേഖലയില് നടപ്പാക്കിയ നൂതനവും മികവുറ്റതുമായ പ്രവര്ത്തനങ്ങള്ക്ക് അംഗീകാരമായി കൊല്ലം ജില്ലാ പഞ്ചായത്തിന് വീണ്ടും സംസ്ഥാന സര്ക്കാരിന്റെ ആരോഗ്യ കേരള പുരസ്കാരം. 2014-15 വര്ഷത്തെ ആരോഗ്യ മേഖലയിലെ പ്രവര്ത്തനങ്ങള് വിലയിരുത്തിയതിന്റെ അടിസ്ഥാനത്തിലാണ് ജില്ലാ പഞ്ചായത്ത് അവാര്ഡിന് അര്ഹമായത്. പത്ത് ലക്ഷം രൂപയാണ് അവാര്ഡ് തുക. രണ്ടാം തവണയാണ് ജില്ലാ പഞ്ചായത്തിന് ആരോഗ്യകേരളം അവാര്ഡ് ലഭിക്കുന്നത്.
2012-13 വര്ഷത്തെ ആരോഗ്യ വികസന പദ്ധതികളുടെ അടിസ്ഥാനത്തില് 2013 ല് ജില്ലാ പഞ്ചായത്തിന് ആരോഗ്യ കേരളം അവാര്ഡ് ലഭിച്ചിരുന്നു. കൊല്ലം ജില്ലാ പഞ്ചായത്തിന് ഈ വര്ഷം ലഭിക്കുന്ന നാലാമത്തെ അവാര്ഡാണ് ആരോഗ്യകേരളം അവാര്ഡ്. ഏറ്റവും നല്ല ജില്ലാ പഞ്ചായത്തിനുള്ള സംസ്ഥാന സര്ക്കാരിന്റെ സ്വരാജ് ട്രോഫിയും, കേന്ദ്രസര്ക്കാരിന്റെ രാജീവ് ഗാന്ധി ശാക്തീകരണ് പുരസ്കാരവും, പാരിസ്ഥിതി പ്രവര്ത്തനങ്ങള്ക്കുള്ള സംസ്ഥാന സര്ക്കാരിന്റെ വനമിത്ര പുരസ്കാരവുമാണ് ഈ വര്ഷം ജില്ലാ പഞ്ചായത്തിന് ലഭിച്ച മറ്റ് അവാര്ഡുകള്.
Discussion about this post