കോഴിക്കോട്: ജഗദ്ഗുരു സ്വാമി സത്യാനന്ദസരസ്വതി തൃപ്പാദങ്ങളുടെ 80-ാം ജയന്തി ആഘോഷങ്ങളുടെ ഭാഗമായി മലപ്പുറം പുകയൂര് പാലപ്പറമ്പന് ദേവീക്ഷേത്രസന്നിധിയില് വിശ്വശാന്തി ഷോഡശാഹ യജ്ഞം നടന്നു. ഇവിടെ ഗുരുപൂജ, ഗണപതി ഹോമം, ശ്രീരാമായണ പാരായണം, സര്വമംഗളപൂജ, അമൃതഭോജനം, ശ്രീസത്യാനന്ദഗുരു സമീക്ഷ, ഭജന, മംഗളാരതി മുതലായവ നടന്നു.
ശ്രീസത്യാനന്ദഗുരു സമീക്ഷ കാരക്കോട് രാമാനന്ദാശ്രമം മഠാധിപതി ധര്മ്മാനന്ദ സ്വാമികള് ഉദ്ഘാടനം ചെയ്തു. ശ്രീരാമദാസ മിഷന് അദ്ധ്യക്ഷന് സ്വാമി ബ്രഹ്മപാദാനന്ദ സരസ്വതി തൃപ്പാദങ്ങള് അനുഗ്രഹ പ്രഭാഷണം നടത്തി. പാലപ്പറമ്പന് ദേവസ്വം പ്രസിഡന്റ് സി.കെ മോഹനസുന്ദരം അദ്ധ്യക്ഷനായിരുന്ന സമ്മേളനത്തില് ഉണ്ണികൃഷ്ണന് മംഗലശേരി, ഭാസ്ക്കരന് മാസ്റ്റര്, രാജന് പണിക്കര്, ചാത്തുണ്ണി പണിക്കര്, രാമകൃഷ്ണന്, കെ.എം പ്രദീപ്കുമാര്, ഷോഡശാഹയജ്ഞം ജനറല് കണ്വീനര് ബ്രഹ്മചാരി പ്രവിത്കുമാര് തുടങ്ങിയവര് സംസാരിച്ചു.
Discussion about this post