ന്യൂഡല്‍ഹി: നേതാജി സുഭാഷ് ചന്ദ്ര ബോസിന്റെ തിരോധാനം സംബന്ധിച്ചു കേന്ദ്ര സര്‍ക്കാരിന്റെ കൈവശമുള്ള ഫയലുകള്‍ പരസ്യമാക്കുമെന്നു പ്രധാനമന്ത്രി നരേന്ദ്രമോദി. പ്രധാനമന്ത്രിയുടെ ഔദ്യോഗിക വസതിയില്‍ നേതാജിയുടെ കുടുംബാംഗങ്ങളുമായി നടത്തിയ കൂടിക്കാഴ്ചയിലാണ് മോദി ഉറപ്പു നല്‍കിയത്. 2016 ജനുവരി 23നു നേതാജിയുടെ ജന്മദിനത്തില്‍ ഇതിന്റെ ആദ്യഘട്ടമുണ്ടാകുമെന്നും പ്രധാനമന്ത്രി പറഞ്ഞു.
നേതാജി സുഭാഷ് ചന്ദ്ര ബോസുമായി ബന്ധപ്പെട്ട ഫയലുകള്‍ പരസ്യമാക്കാന്‍ വിദേശ രാജ്യങ്ങള്‍ക്കു കത്തയക്കുമെന്നും മോദി ഉറപ്പുനല്‍കി. കേന്ദ്ര ആഭ്യന്തര മന്ത്രി രാജ്‌നാഥ് സിങ്ങും വിദേശകാര്യ മന്ത്രി സുഷമ സ്വരാജും പ്രധാനമന്ത്രിക്കൊപ്പം കൂടിക്കാഴ്ചയില്‍ പങ്കെടുത്തു. കുടുംബാംഗങ്ങള്‍ക്കു പുറമെ ചരിത്ര ഗവേഷകരും കൂടിക്കാഴ്ചയില്‍ പങ്കെടുത്തു.
Discussion about this post