മൂന്നാര്: മൂന്നാര് പഞ്ചായത്തില് പൊമ്പളൈ ഒരുമൈ ശ്രദ്ധാകേന്ദ്രമാകുന്നു. ഇരുപത്തിയൊന്ന് അംഗങ്ങളുള്ള മൂന്നാര് പഞ്ചായത്തില് രണ്ട് സീറ്റുകള് പൊമ്പളൈ ഒരുമൈ സ്ഥാനാര്ത്ഥികള് നേടി. എല്.ഡി.എഫ്. 10ഉം യു.ഡി.എഫ്. ഒമ്പതും സീറ്റുവീതമാണ് നേടിയിരിക്കുന്നത്. ആര്ക്കും ഭൂരിപക്ഷമില്ലാത്ത സാഹചര്യത്തില് ഈ രണ്ടുപേരിലുമാണ് ഇരുമുന്നണിയുടെയും പ്രതീക്ഷ. ഇവര് രണ്ടുപേരായിരിക്കും ഇനി മൂന്നാര് ഏത് കക്ഷി ഭരിക്കണമെന്ന് തീരുമാനിക്കുക. പഞ്ചായത്ത് തോട്ടംമേഖലയിലെ വാര്ഡുകളിലാണ് പൊമ്പളൈ ഒരുമൈ സ്ഥാനാര്ഥികള് വിജയിച്ചത്.
20-ാംവാര്ഡായ ചോലമലയില് പൊമ്പളൈ ഒരുമൈ സ്ഥാനാര്ഥി മാരിയമ്മാള് എല്.ഡി.എഫിലെ മേഖലയെ 103 വോട്ടിനാണ് തോല്പിച്ചത്. 21-ാംവാര്ഡായ കടലാറില് എല്.ഡി.എഫിലെ വെള്ളതുരച്ചിയെ ഒരുവോട്ടിന് പരാജയപ്പെടുത്തിയാണ് പൊമ്പളൈ ഒരുമൈ സ്ഥാനാര്ഥി വെള്ളത്തായ് ജയിച്ചത്.
Discussion about this post