തിരുവനന്തപുരം: ദേശീയഗെയിംസ് ജോതാക്കള്ക്ക് നേരത്തെ നിശ്ചയിച്ച പ്രകാരം സര്ക്കാര് ജോലി നല്കുന്ന തീരുമാനം അടുത്ത കാബിനറ്റില് വയ്ക്കുമെന്ന് മുഖ്യമന്ത്രി ഉമ്മന്ചാണ്ടി പറഞ്ഞു. മികച്ച കായിക താരങ്ങള്ക്കുളള ജീ.വി.രാജ അവാര്ഡ് വിതരണം മസ്കറ്റ് ഹോട്ടലില് നിര്വ്വഹിച്ച് സംസാരിക്കുകയായിരുന്നു അദ്ദേഹം.
ദേശീയഗെയിംസ് വിജയകരമായി നടത്തിയത് കായികതാരങ്ങള്ക്കും കായികപ്രേമികള്ക്കും ആവേശം പകര്ന്നുവെന്നും മുഖ്യമന്ത്രി പറഞ്ഞു. കായിക രംഗത്ത് പരമാവധി പ്രോത്സാഹനം നല്കുകയാണ് സര്ക്കാര് ലക്ഷ്യമെന്നും മുഖ്യമന്ത്രി പറഞ്ഞു. വനിതാവിഭാഗം ജി.വി.രാജ അവാര്ഡ് അന്താരാഷ്ട്ര കാനോയിംഗ് കയാക്കിംഗ് താരം ബെറ്റി ജോസിനും പുരുഷ വിഭാഗം ജി.വി.രാജ അവാര്ഡ് അന്താരാഷ്ട്ര ഹോക്കി താരം പി.ആര്. ശ്രീജേഷിനും മുഖ്യമന്ത്രി സമ്മാനിച്ചു. അഞ്ചു ലക്ഷം രൂപയും ഫലകവും പ്രശംസാപത്രവും അടങ്ങിയതാണ് അവാര്ഡ്. ബെറ്റി ജോസഫിന് സര്ക്കാര് സര്വ്വീസില് ജോലിയും മുഖ്യമന്ത്രി വാഗ്ദാനം ചെയ്തു.
ഒളിമ്പ്യന് സുരേഷ് ബാബു മെമ്മോറിയല് ലൈഫ് ടൈം അച്ചീവ്മെന്റ് അവാര്ഡ് അത്ലറ്റിക്സ് കോച്ച് ദ്രോണാചാര്യ ഒ.എം.നമ്പ്യാരും ഏറ്റുവാങ്ങി. മികച്ച കായിക പരിശീലകനുളള അവാര്ഡ് ബോക്സിങ് കോച്ച് ചന്ദ്രലാലും മികച്ച കായികാധ്യാപകന് (കോളേജ് തലം) പാല അല്ഫോണ്സ് കോളേജിലെ തങ്കച്ചന് മാത്യുവും മികച്ച കായിക അധ്യാപകന് (സ്കൂള് തലം) ഷിബി മാത്യു, മികച്ച കായിക നേട്ടം കൈവരിച്ച കോളേജിനുളള അവാര്ഡ് ചങ്ങനാശ്ശേരി അസംപ്ഷന് കോളേജും മികച്ച കായിക നേട്ടം കൈവരിച്ച സ്കൂളിനുളള അവാര്ഡ് പുല്ലൂരാംപാറ സെന്റ് ജോസഫ്സ് എച്ച്.എസ്.എസും ഏറ്റുവാങ്ങി. മാധ്യമ അവാര്ഡുകള് ജോമിച്ചന് ജോസ് (മലയാള മനോരജ, പി.വി.സുജിത്ത് (ദേശാഭിമാനി), സനില് ഷാ (ഏഷ്യനെറ്റ്) എന്നിവരും മികച്ച കായിക പുസ്തകത്തിനുളള അവാര്ഡ് ഡോ.മുഹമ്മദ് അഷ്റഫും ഏറ്റുവാങ്ങി. കെ.മുരളീധരന് എം.എല്.എ. അധ്യക്ഷത വഹിച്ചു. ചടങ്ങില് സ്പോര്ട്സ് കൗണ്സില് പ്രസിഡന്റ് പത്മിനി തോമസ്, സെക്രട്ടറി ബിനു ജോര്ജ്ജ് വര്ഗീസ് തുടങ്ങിയവര് പങ്കെടുത്തു
Discussion about this post