തിരുവനന്തപുരം: പെന്ഷന്കാരുടെ മസ്റ്ററിങ്ങ് ഓണ്ലൈനായി നടത്തുന്നതിനുളള സംവിധാനം സംസ്ഥാനത്തെ ട്രഷറികളില് നടപ്പിലാക്കി. കേന്ദ്ര സര്ക്കാരിന്റെ വെബ് പോര്ട്ടല് ആയ ജീവന്പ്രമാണുമായി ബന്ധപ്പെടുത്തിയുളളതാണ് പുതിയ സംവിധാനം.
ആധാര് എടുത്തിട്ടുളള ഏതൊരു പെന്ഷന്കാരനും ട്രഷറികളില് വരാതെ തന്നെ ഡിജിറ്റല് ആയി ലൈഫ് സര്ട്ടിഫിക്കറ്റ് ജനറേറ്റ് ചെയ്യാം. അത് ഓണ്ലൈനായി തന്നെ ട്രഷറി ഓഫീസര്മാര് സ്വീകരിക്കും. കൂടാതെ ഡിജിറ്റല് ലൈഫ് സര്ട്ടിഫിക്കറ്റ് ജനറേറ്റ് ചെയ്യുന്നതിനുളള സൗകര്യം സംസ്ഥാനത്തെ 23 ജില്ലാ ട്രഷറികളിലും എല്ലാ പെന്ഷന് ട്രഷറികളിലും ഏര്പ്പെടുത്തിയിട്ടുണ്ട്. അവിടങ്ങളില് നിന്നും ഏത് ട്രഷറിയിലേയ്ക്കുമുളള ലൈഫ് സര്ട്ടിഫിക്കറ്റ് ജനറേറ്റ് ചെയ്യാം. ഈ സൗകര്യം പെന്ഷന്കാര് പരമാവധി പ്രയോജനപ്പെടുത്തണമെന്ന് ട്രഷറി ഡയറക്ടര് അറിയിച്ചു.
Discussion about this post