ഉപതിരഞ്ഞെടുപ്പിനായി എട്ട് വാര്‍ഡുകളില്‍ വോട്ടര്‍പട്ടിക പുതുക്കും

തിരുവനന്തപുരം: ഉപതിരഞ്ഞെടുപ്പിനായി എട്ട് തദ്ദേശസ്വയംഭരണ വാര്‍ഡുകളില്‍ വോട്ടര്‍പട്ടിക പുതുക്കാന്‍ സംസ്ഥാന തിരഞ്ഞെടുപ്പ് കമ്മീഷന്‍ നടപടി തുടങ്ങി. തിരുവനന്തപുരം: കോര്‍പ്പറേഷനിലെ വാഴോട്ടുകോണം, കടയ്ക്കാവൂര്‍,പഞ്ചായത്തിലെ ആയിക്കുടി, കൊല്ലം : കുലശേഖരപുരത്തെ ആദിനാട് തെക്ക്, പാലക്കാട് : പല്ലശനയിലെ ഒഴുവു പാറ, കുഴല്‍മന്ദത്തെ മന്ദം, കോഴിക്കോട് : ബാലുശ്ശേരിയിലെ ബാലുശ്ശേരി സൗത്ത് കാസര്‍ഗോഡ് : പീലിക്കോട്ടെ കൊടക്കാട്, ചെങ്കളയിലെ ചെര്‍ക്കള വെസ്റ്റ് എന്നിവയാണ് വാര്‍ഡുകള്‍. കരട് പട്ടിക ബന്ധപ്പെട്ട തദ്ദേശസ്വയംഭരണ സ്ഥാപനത്തിലും വില്ലേജ്-താലൂക്ക്-ബ്ലോക്ക് ആഫീസുകളിലും പ്രസിദ്ധീകരിച്ചു. 2016 ജനുവരി ഒന്നിനോ അതിനുമുന്‍പോ 18-വയസു തികഞ്ഞ, പട്ടികയില്‍ പേരില്ലാത്തവര്‍ക്ക് ഓണ്‍ലൈന്‍ മുഖേന പേര് ചേര്‍ക്കാം. ഉള്‍ക്കുറിപ്പ് തിരുത്താനും സ്ഥാനമാറ്റത്തിനുമുള്ള അപേക്ഷയും ഓണ്‍ലൈനില്‍ നല്‍കാം. www.lsgelection.kerala.gov.in എന്ന വെബ്‌സൈറ്റ് മുഖേനയാണ് അപേക്ഷിക്കേണ്ടത്. എന്നാല്‍ പേര് ഒഴിവാക്കുന്നതിനുള്ള അപേക്ഷ നേരിട്ടോ രജിസ്റ്റേര്‍ഡ് തപാലിലൂടെയോ ബന്ധപ്പെട്ട ഇലക്ടറല്‍രജിസ്‌ട്രേഷന്‍ ഉദ്യോഗസ്ഥന് നല്‍കണം. അവകാശവാദവും ആക്ഷേപവും ജനുവരി 16 വരെ സ്വീകരിക്കും. ഇവയില്‍ ജനുവരി 27-നകം തീര്‍പ്പുണ്ടാകും. അന്തിമ പട്ടിക ഫെബ്രുവരി മൂന്നിന് പ്രസിദ്ധീകരിക്കും