തിരുവനന്തപുരം: നിയമസഭാ ലൈബ്രററിയില്‍ സൂക്ഷിച്ചിട്ടുള്ള അതിപുരാതനവും അമൂല്യവുമായ രേഖകളുടെ ഭൗതികസംരക്ഷണ പരിപാടി സ്പീക്കര്‍ എന്‍. ശക്തന്‍ ഉദ്ഘാടനം ചെയ്തു. സാംസ്‌കാരിക വകുപ്പുമന്ത്രി കെ. സി. ജോസഫ് രേഖകള്‍ കൈമാറി. തൃപ്പൂണിത്തുറ പൈതൃക പഠനകേന്ദ്രമാണ് സംരക്ഷണം ഏറ്റെടുത്തിട്ടുള്ളത്.
തിരുവിതാംകൂര്‍ ലെജിസ്ലേറ്റീവ് കൗണ്‍സില്‍ നടപടിക്രമങ്ങള്‍ (24415 പേജുകള്‍) ശ്രീമൂലം പോപ്പുലര്‍ അസംബ്ലി നടപടിക്രമങ്ങള്‍ (3963 പേജുകള്‍) തിരുവിതാംകൂര്‍ ശ്രീമൂലം അസംബ്ലി നടപടിക്രമങ്ങള്‍ (29055 പേജുകള്‍) എന്നിവയാണ് സംരക്ഷണ നടപടിക്കായി പ്രാഥമികമായി തെരഞ്ഞെടുത്തിട്ടുള്ളത്. ഈ രേഖകള്‍ അടങ്ങിയ 70 ഗ്രന്ഥങ്ങള്‍ (57433 പേജുകള്‍) പൈതൃകപഠന കേന്ദ്രം ഡയറക്ടര്‍ ടി. പി. ശങ്കരന്‍കുട്ടി നായര്‍ ഏറ്റുവാങ്ങി. ഡെപ്യൂട്ടി സ്പീക്കര്‍ പാലോട് രവി, എം.എല്‍.എ.-മാരായ സി. പി. മുഹമ്മദ്, സണ്ണി ജോസഫ്, എ. പി. അബ്ദുള്ളക്കുട്ടി, ഡൊമിനിക് പ്രസന്റേഷന്‍, എം. കെ. വേലായുധന്‍ നായര്‍, ഡോ. എസ്. റയ്മണ്‍, നിയമസഭാ സെക്രട്ടറി പി. ഡി. ശാരംഗധരന്‍ തുടങ്ങിയവര്‍ പങ്കെടുത്തു
Discussion about this post