തിരുവനന്തപുരം: സര്‍ക്കാര്‍ സേവനങ്ങള്‍ ഓണ്‍ലൈന്‍ ആക്കുന്നതിന്റെ ഭാഗമായി വനം വകുപ്പിലെ അഞ്ച് സേവനങ്ങള്‍ കൂടി ഓണ്‍ലൈന്‍ ആക്കുന്നതിന്റെ ഔദ്യോഗിക പ്രഖ്യാപനം തിരുവനന്തപുരം ഇന്‍സ്റ്റിറ്റ്യൂട്ട് ഓഫ് മാനേജ്‌മെന്റ് ഇന്‍ ഗവണ്‍മെന്റ് ഹാളില്‍ നടന്ന ചടങ്ങില്‍ വനം വകുപ്പ് മന്ത്രി തിരുവഞ്ചൂര്‍ രാധാകൃഷ്ണന്‍ നിര്‍വഹിച്ചു.
വന്യമൃഗങ്ങളുടെ ആക്രമണത്താല്‍ മരണപ്പെടുക / പരിക്കേല്‍ക്കുക, കൃഷിനാശം സംഭവിക്കുക വീട്/ വസ്തുവകകള്‍ക്ക് ഭാഗീകമായോ പൂര്‍ണ്ണമായോ നാശമുണ്ടാകുക എന്നീ തരത്തിലുള്ള പ്രശ്‌നങ്ങള്‍ പരിഹരിക്കുവാനുള്ള സേവനങ്ങള്‍ ഇനി മുതല്‍ ഓണ്‍ ലൈനില്‍ ലഭിക്കും ഐ. ടി മിഷന്‍ നല്‍കുന്ന 108 ലാപ് ടോപ്പുകള്‍, പ്രിന്ററുകള്‍ എന്നിവ കൈമാറുന്നതിന്റെ ഔപചാരികമായ ഉദ്ഘാടനം വനം വകുപ്പ് മന്ത്രി മേധാവി ഡോ. ബി. എസ് കോറിക്ക് ലാപ് ടോപ് കൈമാറി വനം വകുപ്പ് മന്ത്രി നിര്‍വഹിച്ചു. ചടങ്ങില്‍ വനം വകുപ്പ് പ്രിന്‍സിപ്പല്‍ ചീഫ് ഫോറസ്റ്റ് കണ്‍സര്‍വേറ്ററും ചീഫ് വൈല്‍ഡ് ലൈഫ് വാര്‍ഡനുമായ ജി ഹരികുമാര്‍, അഡീ. പ്രിന്‍സിപ്പല്‍ ചീഫ് ഫോറസ്റ്റ് കണ്‍സര്‍വേറ്റര്‍ പി. കെ പഥക് എന്നിവര്‍ പങ്കെടുത്തു. ഐ. ടി മിഷന്‍ കേരള ടെക്‌നോളജി മിഷന്‍ തലവന്‍ സയിദ് ഹസ്‌നി ജിഫ്രി നന്ദി പറഞ്ഞു.
