തിരുവനന്തപുരം: ചേങ്കോട്ടുകോണം ശ്രീരാമദാസ ആശ്രമത്തില് നടക്കുന്ന ശ്രീരാമനവമി മഹോത്സവത്തിന്റെ ഭാഗമായി ശ്രീരാമനവമി ദിനത്തില് തിരുവനന്തപുരം ആഭേദാശ്രമത്തില് ശ്രീരാമനവമി സമ്മേളനം നടന്നു. സമ്മേളനം വട്ടപ്പറമ്പില് ഗോപിനാഥപിള്ള ഭദ്രദീപം തെളിച്ച് ഉദ്ഘാടനം ചെയ്തു. വിളക്കുടി രാജേന്ദ്രന് അദ്ധ്യനായിരുന്ന സമ്മേളനത്തില് ശ്രീരാമനവമി രഥയാത്ര ജനറല് കണ്വീനര് സ്വാമി സത്യാനന്ദതീര്ത്ഥപാദര് അനുഗ്രഹപ്രഭാഷണം നടത്തി. ഡോ.പൂജപ്പുര കൃഷ്ണന് നായര്, പാപ്പനംകോട് അനില്കുമാര് തുടങ്ങിയവര് സംസാരിച്ചു.
