കൊച്ചി: മലബാര് സിമന്റ്സ് അഴിമതിക്കേസ് അന്വേഷണം സത്യസന്ധവും നീതിയുക്തവുമായിരിക്കണമെന്ന് ഹൈക്കോടതി. വിജിലന്സ് ഡയറക്ടര്ക്കാണ് ഹൈക്കോടതി നിര്ദേശം നല്കിയത്. കേസന്വേഷണത്തില് വീഴ്ച്ചയുണ്ടായാല് ഹര്ജിക്കാരന് വീണ്ടും കോടതിയെ സമീപിക്കാമെന്നും ജസ്റ്റീസ് ബി.കെമാല് പാഷ ഉത്തരവിട്ടു.
കേസ് അന്വേഷണത്തിലെ വീഴ്ച ചൂണ്ടിക്കാട്ടി പൊതുപ്രവര്ത്തകന് ജോയ് കൈതാരം നല്കിയ ഹര്ജിയില് നേരത്തെ സര്ക്കാരിനും വിജിലന്സിനും രൂക്ഷ വിമര്ശനം നേരിടേണ്ടിവന്നിരുന്നു. കേസില് എഫ്ഐആര് രജിസ്റ്റര് ചെയ്യാതെ മുന്നോട്ട് പോയ വിജിലന്സ് ഹൈക്കോടതി വിമര്ശനം വന്നതോടെ കേസ് രജിസ്റ്റര് ചെയ്തു. വിജിലന്സ് രജിസ്റ്റര് ചെയ്ത രണ്ടു കേസുകളില് വ്യവസായി വി.എം.രാധാകൃഷ്ണന് പ്രതിയാണ്. കേസ് രജിസ്റ്റര് ചെയ്ത വിവരം വിജിലന്സ് ഇന്ന് കോടതിയെ ബോധിപ്പിച്ചിരുന്നു.
