കൊച്ചി: രാജകുടുംബാംഗങ്ങളുടെ പ്രത്യേക പെന്‍ഷന്‍ ഉയര്‍ത്തുന്നതു സംബന്ധിച്ചു മൂന്നുമാസത്തിനകം തീരുമാനമെടുക്കണമെന്ന് ഹൈക്കോടതി സര്‍ക്കാരിനോടാവശ്യപ്പെട്ടു. തെക്കന്‍ കേരളത്തിലെ രാജകുടുംബാംഗങ്ങള്‍ക്ക് പെന്‍ഷന്‍ ഉയര്‍ത്താത്തതിനെതിരെ നല്‍കിയ ഹര്‍ജി പരിഗണിച്ചാണ് ജസ്റ്റീസ് ടി.ആര്‍.രാമചന്ദ്രന്‍മേനോന്റെ ഈ തീരുമാനം. 2008ല്‍ കൊച്ചി രാജകുടുംബാംഗങ്ങള്‍ക്ക് പെന്‍ഷന്‍ വര്‍ദ്ധിപ്പിച്ചതായി ഹര്‍ജ്ജിയില്‍ ചൂണ്ടീക്കാണിച്ചിട്ടുണ്ട്. 1949ന് മുന്പു ജനിച്ച ഇരുന്നൂറ്റന്പതോളം പേര്‍ക്ക് പെന്‍ഷന്‍ വര്‍ദ്ധിപ്പിക്കണമെന്നായിരുന്നു ഹര്‍ജിക്കാരുടെ ആവശ്യം. ക്ഷത്രിയ ക്ഷേമസഭ വൈക്കം പ്രസിഡന്‍റ് എന്‍.ക‍ൃഷ്ണവര്‍മ ഉള്‍പ്പെടെയുള്ളവര്‍ നല്‍കിയ ഹര്‍ജിയാണ് കോടതി പരിഗണിച്ചത്.
രാജകുടുംബാംഗങ്ങളുടെ പെന്‍ഷന്‍ വര്‍ദ്ധന പരിഗണിക്കണമെന്ന് കോടതി
പുതിയ വാർത്തകൾ
Discussion about this post