തിരുവനന്തപുരം: ക്ഷീരകൃഷി മേഖലയില് സ്ത്രീകള്ക്കും യുവാക്കള്ക്കും മികച്ച തൊഴിലവസരങ്ങളുണ്ടാകണമെന്ന് ഗവര്ണര് പി. സദാശിവം പറഞ്ഞു. ലോക ക്ഷീരദിനാഘോഷത്തിന്റെ സംസ്ഥാനതല ഉദ്ഘാടനം നിര്വഹിച്ച് സംസാരിക്കുകയായിരുന്നു അദ്ദേഹം.
മില്മ പോലുള്ള സര്ക്കാര് സംരംഭങ്ങളില്നിന്ന് പാലും പാലുത്പന്നങ്ങളും വാങ്ങി ഉപയോഗിച്ച് ആ സ്ഥാപനങ്ങളുടെ വളര്ച്ചയെ പ്രോത്സാഹിപ്പിക്കാന് ജനങ്ങള് തയ്യാറാകണം. കര്ഷകരുടെ കഷ്ടപ്പാടുകള് പരിഹരിക്കപ്പെടണം. സംസ്ഥാനത്ത് പാലുത്പാദനത്തില് സ്വയംപര്യാപ്തത കൈവരിക്കുകയെന്ന ലക്ഷ്യത്തോടെയുള്ള പ്രവര്ത്തനം അഭിനന്ദനീയമാണെന്ന് ഗവര്ണര് പറഞ്ഞു. കാര്ഷികരംഗത്തോടുള്ള ഗവര്ണറുടെ നയത്തോടുള്ള ആദരവായി ഗവര്ണറെ ക്ഷീര വികസന വകുപ്പ് മന്ത്രി പൊന്നാടയണിയിച്ചു.
