ശ്രീനഗര്‍ : കശ്മീരിലെ ഉറി പ്രവിശ്യയില്‍ ആക്രമണം നടത്താനെത്തിയ ഭീകരരെ സൈന്യം വധിച്ചു. നിയന്ത്രണ രേഖയ്ക്ക് അടുത്ത് നുഴഞ്ഞ് കയറി ആക്രമണത്തിന് ശ്രമിച്ച ഭീകരരെയാണ് വധിച്ചത്.
പ്രദേശത്ത് സൈന്യം പരിശോധന തുടരുന്നു. കഴിഞ്ഞ രണ്ട് ദിവസത്തിനുള്ളില്‍ ഏഴു ഭീകരരെയാണ് സൈന്യം വധിച്ചത്. വ്യാഴാഴ്ച നൗഗാമില്‍ മൂന്ന് ഭീകരരെ സൈന്യം വധിച്ചിരുന്നു. തലേ ദിവസം മാച്ചില്‍ മേഖലയില്‍ നാല് ഭീകരരും ഏറ്റുമുട്ടലില്‍ കൊല്ലപ്പെട്ടിരുന്നു.
അഞ്ച് ഭീകരരാണ് നുഴഞ്ഞു കയറ്റത്തിന് ശ്രമിച്ചത് .ഏറ്റുമുട്ടലില്‍ സൈനികര്‍ക്ക് പരിക്കേറ്റിട്ടുണ്ട് . ബാക്കി ഉള്ള ഭീകരര്‍ പാക് അധീന കശ്മീരിലേക്ക് രക്ഷപ്പെട്ടു. പാക് സൈന്യം സംരക്ഷണ വെടിവെയ്പ്പ് നടത്തി നുഴഞ്ഞു കയറ്റക്കാരെ സഹായിച്ചതായി ഇന്ത്യന്‍ സൈന്യം വ്യക്തമാക്കി.
Discussion about this post