കൊച്ചി: കടലില് നങ്കൂരമിട്ടിരുന്ന മീന്പിടിത്ത ബോട്ടില് ചരക്കുകപ്പലിടിച്ച് രണ്ടു മീന്പിടിത്ത തൊഴിലാളികള് മരിച്ചു. ഒരാളെ കാണാതായി. പുതുവൈപ്പിനില് നിന്ന് 14 നോട്ടിക്കല് മൈല് അകലെയാണ് അപകടം നടന്നത്. കുളച്ചല് സ്വദേശി ആന്റണി ജോണ് (45 ), അസം സ്വദേശി രാഹുല് ദാസ് (24) എന്നിവരാണ് മരിച്ചത്. കാണാതായ അസം സ്വദേശിയായ മോട്ടിദാസിനു വേണ്ടിയുള്ള തിരച്ചില് തുടരുന്നു. 14 പേരായിരുന്നു മീന്പിടിത്ത ബോട്ടില് ഉണ്ടായിരുന്നത്. 11 പേരെ സമീപത്തുണ്ടായിരുന്ന ബോട്ടിലെ തൊഴിലാളികള് രക്ഷപ്പെടുത്തി കരയിലെത്തിച്ചു.
തോപ്പുംപടിയില് നിന്ന് മീന് പിടിക്കാന് പോയ കാര്മല് മാതാ എന്ന ബോട്ടാണ് അപകടത്തില്പ്പെട്ടത്. അപകടസമയത്ത് ബോട്ടിലെ തൊഴിലാളികളെല്ലാം ഉറക്കത്തിലായിരുന്നു. ഇടിയുടെ ആഘാതത്തില് വീല് ഹൗസ് തകര്ന്ന ബോട്ട് പൂര്ണമായും മുങ്ങി. ഇസ്രയേലില് നിന്ന് ചൈനയിലേക്ക് വളം കയറ്റിപ്പോകുകയായിരുന്നു പനാമയുടെ ആംബര് എല് എന്ന കപ്പല്.
Discussion about this post