തിരുവനന്തപുരം: നടി അക്രമിക്കപ്പെട്ട കേസില് ദിലീപിനെ അറസ്റ്റ് ചെയ്തത് മാദ്ധ്യമങ്ങളുടേയും ഒരുകൂട്ടം ചലച്ചിത്ര പ്രവര്ത്തകരുടേയും ജനങ്ങളുടേയും വിജയമാണെന്ന് ബിജെപി സംസ്ഥാന അദ്ധ്യക്ഷന് കുമ്മനം രാജശേഖരന് പറഞ്ഞു.
നേരത്തെ തന്നെ ഗൂഡാലോചന കേസ് തെളിയിക്കാന് പൊലീസിന് കഴിയുമായിരുന്നു. എന്നാല് ഗൂഡാലോചനയില്ലെന്ന മുഖ്യമന്ത്രിയുടെ നിലപാടാണ് അറസ്റ്റ് ഇത്ര വൈകിച്ചത്. ഗൂഡാലോചനയുണ്ടെന്ന് എല്ലാവരും പറഞ്ഞെങ്കിലും മുഖ്യമന്ത്രി മാത്രം അത് അംഗീകരിക്കാന് തയ്യാറാകാത്തതാണ് പൊലീസിനെ പിന്നോട്ട് വലിച്ചത്.
എന്നാല് ജാഗ്രതയോടെ നിലകൊണ്ട മാദ്ധ്യമങ്ങളും ഒരു വിഭാഗം ചലച്ചിത്ര പ്രവര്ത്തകരും നിലപാട് മാറ്റാന് മുഖ്യമന്ത്രിയെ നിര്ബന്ധിതനാക്കി. ഇരയെ അവഹേളിക്കാനും പ്രതിയെ സംരക്ഷിക്കാനും കൂട്ടുനിന്ന ജനപ്രതിനിധികളായ ഇന്നസെന്റും മുകേഷും ഗണേഷും രാജിവെക്കണമെന്നും അദ്ദേഹം ആവശ്യപ്പെട്ടു.
Discussion about this post